Category: Nutrition Facts

ဦးနှောက်နှင့် မျက်လုံးဖွံ့ဖြိုးခြင်း။

မျက်စိနှင့် ဦးနှောက်ဖွံ့ဖြိုးမှုအတွက် လိုအပ်သော အာဟာရဓါတ်များ

ကလေးငယ်များသည် အရာရာကို စူးစမ်း တတ်တာမို့ မျက်လုံး၊ ဦးနှောက်နှင့် ခန္ဓာကိုယ်ဖွံ့ဖြိုးခြင်းအတွက် လိုအပ်သော အာဟာရများ ကျွေးမွေးထောက်ပံ့ရမည့် အချိန်ကာလ တစ်ခုဖြစ်ပါသည်။ မျက်လုံးကျန်းမာရေးနှင့် ဦးနှောက်ဖွံ့ဖြိုးမှုအတွက် လိုအပ်သော အာဟာရ (၃) မျိုးမှာ Lutein, Vitamin E နှင့် DHA တို့ဖြစ်ပါသည်။ ကလေးများသည် ငယ်ရွယ်သည့်အချိန်တွင် ကျန်းမာရေးကောင်းမွန်ပြီး ၎င်းတို့၏ ဘာသာစကားနှင့် လှုပ်ရှားမှုများဖြင့် နောက်ပိုင်းတွင် ပိုမိုကောင်းမွန်လာစေရန် တတ်နိုင်သမျှကူညီပေးရန် အရေးကြီးပါသည်။^1,5

၎င်းတို့သည် ဘယ်လိုအလုပ်လုပ်လဲ

အာဟာရဓါတ်ကြွယ်ဝစွာ ပါရှိသော သစ်သီးဝလံနှင့် ဟင်းသီးဟင်းရွက်များ စားသုံးပေးခြင်းသည် သင့်ကလေးအား မျက်လုံးအားကောင်းစေခြင်း၊ အကောင်းဆုံးကြီးထွားမှု၊ မှတ်ဉာဏ်ကို မြှင့်တင်ပေးခြင်းနှင့် အခြား ကောင်းကျိုးများကို ရရှိစေမည်ဖြစ်သည်။

Lutein

Lutein သည် ဗီတာမင် A နှင့်ဆင်တူပြီး သစ်သီးများနှင့် ဟင်းသီးဟင်းရွက်တွင် တွေ့ရသော ရောင်ခြယ်ပစ္စည်းတစ်မျိုးဖြစ်သည်။ ၎င်းတို့သည် နူးညံ့သော မျက်လုံးတစ်ရှုးများကို နေရောင်ခြည်မထိခိုက်စေရန် ကာကွယ်ပေးပြီး အမြင်အာရုံကို ထိန်းသိမ်းပေးခြင်းဖြင့် ကလေး၏ မျက်လုံးကို ကူညီပေးသည်။ ထိခိုက်ပျက်စီးနိုင်မှုများကို ကာကွယ်ပေးပြီး မှတ်ဉာဏ်၊ သင်ယူခြင်းနှင့် ဖွံ့ဖြိုးတိုးတက်မှုအတွက် ဦးနှောက်အတွင်းရှိ ဆဲလ်များကို ထောက်ပံ့ပေးသည်။ ^1,2

Vitamin E

Vitamin E သည် အစွမ်းထက်ဆုံး antioxidants များထဲမှ တစ်ခုဖြစ်သည်။ ၎င်းသည် မျက်လုံးနှင့် ဦးနှောက် အတွင်းရှိဆဲလ်များ၏ ခံနိုင်ရည် အားကို မြှင့်တင်ခြင်းဖြင့် ထောက်ပံ့ပေးသည်။ ထိုဆဲလ်များ ပိုမိုအားကောင်းလေလေ ကလေးငယ်သည် ၎င်းတို့ ယုံကြည်မှုကို မြှင့်တင်ရန်၊ သင်ယူရန်နှင့် ပြန်လည် သတိရရန် အချိန်များလေလေဖြစ်သည်။ ဒါ့အပြင် အခြားအာဟာရများနှင့် Fatty acids ကို ဖြိုခွဲရန်လည်း ကူညီပေးပြီး ၎င်းတို့၏ ထိရောက်မှုကို တိုးမြှင့်စေပါသည်။^1,3

DHA

DHA (Docosahexaenoic acid၊ Omega-3 fatty acid) သည် ဆဲလ်အမြှေးပါးများတွင် တွေ့ရှိရပြီး ဦးနှောက်ဖွံ့ဖြိုးမှုကို ပံ့ပိုးပေးသည့် အလုပ်ကို လုပ်ဆောင်သောအခါတွင် သွေးစီးဆင်းမှုကို ပိုမိုကောင်းမွန်စေခြင်းဖြင့် ဦးနှောက်ဖွံ့ဖြိုးမှုကို ထောက်ပံ့ပေးသည်။ ဦးနှောက်သည် ၎င်း၏လုပ်ငန်းဆောင်တာများကို မည်သည့်အခါမှ မရပ်တန့်ဘဲလုပ်ဆောင်ရသောကြောင့် DHA အာဟာရ၏ထိရောက်မှု သည် အလွန်အရေးကြီးပါသည်။ အမြင်အာရုံကောင်းမွန်ခြင်းနှင့် ဦးနှောက်လုပ်ဆောင်မှုများကောင်းမွန်စေရန်အတွက် Vitamin E နှင့် DHA ၂ မျိုးစလုံး လုံလောက်စွာရရှိရန် လိုအပ်ပါသည်။

၎င်းတို့ကို ဘယ်နေကနေဘယ်လိုရနိုင်သလဲ။

Lutein, Vitamin E နှင့် DHA ကဲ့သို့ ဦးနှောက်အတွက် အာဟာရဓာတ်ကြွယ်ဝသော အစားအစာများကို ရှာဖွေရာတွင် အလွယ်ဆုံးအကြံပြုချက်မှာ အရောင်အသွေးစုံလင်သော အစားအစာများဖြစ်သည်။ ကျန်းမာရေးနှင့်ညီညွတ်စွာနေထိုင်နိုင်ရန်အတွက် အစားစာများစားသည့်အချိန်တွင် သဘာဝအတိုင်းအရောင်အသွေးစုံလင်သော အစားအစာများကို စားသုံးသင့်သည်။ Lutein အတွက် ဟင်းနုနွယ်ကဲ့သို့ အစိမ်းရင့်ရောင်ရှိသောအရွက်များ၊ ကိုက်လန် သို့မဟုတ် ကညွတ်တို့မှ ထုတ်ပေးပါသည်။ ပန်းသီးနီ၊ စပျစ်သီး သို့မဟုတ် လိမ္မော်သီး ကဲ့သို့ အသီးအနှံများတွင် လည်းတွေ့နိုင်ပါသည်။^1,2 Vitamin E ကို ဗာဒံစေ့၊ စားသုံးနိုင်သော အစေ့များ၊ အစေ့အဆီများ နှင့် ထောပတ်သီးများ တွင် အလွယ်တကူတွေ့ရှိနိုင်သော်လည်း DHA ကို ဆာမွန်ငါး နှင့် ထရောက်(အမျိုးများပြားစွာရှိသော ရေချိုငါး) ကဲ့သို့သော ငါး အမျိုးမျိုးတို့တွင် တွေ့နိုင်ပါသည်။^1,3 ထိုအစားအစာများကို မကြိုက်သော သို့မဟုတ် စားသုံးရန်အတွက် ခက်ခဲသော ကလေးငယ်များအတွက် အာဟာရဖြည့်စွက်စာများ ရရှိနိုင်ပါသည်။ ဥပမာအားဖြင့် Similac Gain IQ Ready to Drink အရည်ကို သိပ္ပံနည်းကျ ထုတ်ထားပြီး^6,7 Lutein, DHA နှင့် Vitamin E တို့၏ ထူးခြားသော ပေါင်းစပ်မှုဖြင့် ဦးနှောက်နှင့်မျက်လုံး ဖွံ့ဖြိုးမှုကို အပြည့်အဝ ထောက်ပံ့ပေးပါသည်။ အရိုးနှင့် သွားများကို ပံ့ပိုးပေးသည့် ပရိုတင်း၊ ကယ်လ်ဆီယမ်၊ Vitamin K နှင့် D များပါဝင်ပြီး အဓိကသော့ချက်ဖြစ်သော ဦးနှောက်အတွက်အာဟာရ ပါဝင်သော ကြောင့် ကလေးများသည် လျင်မြန်စွာသင်ယူနိုင်ပြီး ပျော်ရွှင်စွာကြီးပြင်းလာနိုင်ပါသည်။

References:

1. https://www.nutritionnews.abbott/pregnancy-childhood/kids-growth/supporting-brain-and-eye-development-in-young-children/
2. https://www.webmd.com/vitamins/ai/ingredientmono-754/lutein
3. https://simmom.in/feediq/vitamin-e-dha-for-baby-brain-development#:~:text=Vitamin%20E%20protects%20DHA%20from,DHA%20from%20oxidizing%20with%20Lutein.
4. https://abbottfamily.com.sg/articles/science/brain-eye-development
5. https://similacmyanmar.com/available-products/#gainIQ
6. Buck, Rachael, H. How Do HMOs Support Baby’s Immune Development?. Global R&D, Abbott Nutrition, 2017.
7. https://www.abbott.com/corpnewsroom/strategy-and-strength/a-formula-for-innovation.html

August 9, 2021

ကလေးများကိုယ့်ကိုယ်ကို ယုံကြည်မှုကောင်းအောင် ဘယ်လိုသင်ယူကြမလဲ။

ကလေးတစ်ယောက်ကောင်းမွန်စွာကျန်းမာခြင်းဖြင့် ၎င်းသည် တစ်စုံတစ်ရာအကြောင်းကို ပိုမိုယုံကြည်မှုရှိပြီး ၎င်း၏မှတ်ဉာဏ်စွမ်းရည်ကို တိုးတတ်စေနိုင်ပါသည်။ ကလေးတစ်ယောက်သည် အရာရာကို မှတ်မိနိုင်စွမ်းရှိကြောင်းယုံကြည်မှုရှိပါက ထိုကလေးသည် မိမိကိုယ်ကိုယုံကြည်မှု ကင်းမဲ့နေသည့် အခြားကလေးနှင့် နှိုင်းယှဉ်လျှင် ပညာရေးတွင်များစွာထူးချွန်ပါသည်။ ကလေးများသည် မိမိကိုယ်ကို လေးစားခြင်းမှု မရှိခြင်းကြောင့် ရေတိုမှတ်ဉာဏ်ဆိုင်ရာ အခက်အခဲများကို ဖြစ်ပေါ်စေပြီး ကြောက်ရွံ့ခြင်းနှင့် စိုးရိမ်ပူပန်မှုများကို ဖြစ်ပေါ်စေပါသည်။ ၎င်းတိုသည် သူတို့၏ခက်ခဲသောအခြေအနေများနှင့် အချိုးအစားမကျသောပြုမှုများ သို့မဟုတ် အားလုံးကိုထုတ်ဖော်ပြောပြခြင်းမပြုပါ။ ထိုကြောင့် မိဘများသည် ကိုယ်ကိုတိုင်အကောင်းဆုံးပြုလုပ်ပြီး ကလေးများ၏ယုံကြည်မှု တိုးလားစေရန်ကြိုးစားသင့်ပါသည်။ ၎င်းတို့၏လတ်ဆက်သည့်ဦးနှောက်များသည် အမြဲတမ်းစူးစမ်းနေတတ်သည့်အတွက် ကျန်းမာပြီး ယုံကြည်မှုရှိသည့်အနာဂတ်အတွက် စတင်ပြင်ဆင်သင့်ပါသည်။

အရွယ်ရောက်ပြီးသူကဲ့သို့ အကောင်းမြင်သည် အရေးကြီးသည်။

သင့်ကလေးသည် ၎င်းလေ့လာပြီးသည့်အရာများကို မှတ်မိစေဖို့ကြိုးစားအားထုတ်သည့်အခါ သင့်ကလေးကို အားပေးပြီးချီးမွမ်းပါ။ သင့်တော်သောအပြုသဘောဆောင်သည့် အားပေးမှုသည်သူတို့အတွက် ကူညီရာရောက်သည့်အတွက် ၎င်းတို့၏မေ့လျော့မှုများကို ကြိမ်းတမ်းစွာပြစ်တင်ပြောဆိုခြင်းမပြုပါနှင့်။ အရွယ်ရောက်ပြီးသူများကဲ့သို့ ၎င်းတို့၏အမှားများကို ဘာကြောင့်မှားရသည်ကို သေချာစွာရှင်းပြပြီး နောက်မမှားဖို့ ပြောဆိုပေးခြင်းသည် ပို၍ကောင်းမွန်ပါသည်။

စနစ်တကျ စုစည်းခြင်း။

အရွယ်ရောက်သူတစ်ဦးအနေနှင့် အမြဲတမ်းအစုအဖွဲ့နှင့်နေကြသည်။ တတ်ကြွနေသော ကလေး၏စိတ်သည် မည်ကဲ့သို့ဖြစ်မည်နည်း။ အထူးသဖြင့်ကျောင်းတွင် ခဲတံအိတ်များကို စနစ်တကျစုစည်းခြင်း (သို့မဟုတ်) အဝတ်အစားများကို ဘီဒိုထဲတွင် စနစ်တကျစုစည်းခြင်းဖြင့် နောက်ပိုင်းတွင်၎င်းတို့၏ စည်းရုံရေးစွမ်းရည်များ သင်ကြားခြင်းတွင် အထောက်အကူပြုပါလိမ့်မည်။ အရောင်များကို မှတ်သားထားသော မှတ်စုများ၊ စာအုပ်များ ကို အမျိုးမျိုးသော စင်များပေါ်တွင်ထားရှိပြီး၊ ကွဲပြားခြားနားသော ဘာသာရပ်များတွက် အသုံးအဆောင်များကို နောက်ပိုင်းတွင် မပျောက်မပျက်ပဲ သေချာစွာထိန်သိမ်းလာနိုင်ပါမည်။

ဖိစီးမှုများကို ရင်ဆိုင်ဖြေရှင်းခြင်း

သင်ကိုယ်တိုင်စိတ်ဖိစီးမှုကို အပျက်သဘောဖြင့်ဖြေရှင်းပါက သင်ကြိုက်သည်ဖြစ်စေ၊ မကြိုက်သည်ဖြစ်စေ ကလေးသည် သင့်အတိုင်းသင်ယူပါလိမ့်မည်။ ထို့ကြောင့်စိတ်ဖီစီးမှုများနှင့် ဒေါသများထွက်မှုများိကု ဖြေရှင်းရာတွင် ကလေးများရှေ့တွင် အခြားနည်းလမ်းတစ်ခုခုနှင့် ရင်ဆိုင်ဖြေရှင်းရန်ကြိုးစားသင့်ပါသည်။ စိတ်ဖိစီးမှုများနှင့် မသင့်လျော်သောစိတ်ခံစားမှုများကြောင့် တစ်ခါတစ်ရံယုံကြည်မှုသာမက မှတ်ဉာဏ်စွမ်းရည် နှင့်သင်ယူနိုင်စွမ်းကိုလည်း ထိခိုက်စေနိုင်ပါသည်။

ယုံကြည်မှုလွန်ကဲခြင်း
အကယ်၍သင်သည် ကြီးလာသည့်အခါတွင် ကိုယ့်ကိုယ်ကို ယုံကြည်မှုလွန်ကဲမှုကို ကြိုက်နှစ်သက်ခြင်းမရှိပါက သင်၏ကလေးကို ငယ်ရွယ်စဉ်ကပင် ပြုပြင်ပေးသင့်ပါသည်။ သင့်ကလေးသည် ၎င်းမှတ်မိသောအရာများနှင့် ပတ်သတ်၍ အလွန်အမင်းယုံကြည်မှုလွန်ကဲခြင်းမဖြစ်အောင်သင်ကြားပေသင့်သည် အဘယ်ကြောင့်ဆိုသော အခြားကလေးများနှင့် အငြင်းပွားမှုများဖြစ်နိုင်သောကြောင့်ဖြစ်ပါသည်။ အကယ်၍ ၎င်းတို့အလွန်အမင်းယုံကြည်မှုထားသည့် ကိစ္စတစ်ခုကို အခြားတစ်ဦးဦးက မှားယွင်းသည်ဟု သက်သေပြလိုက်သည့် အခါတွင် သင့်ကလေးသည် များစွာစိတ်ဓာတ်ကျဆင်းမှုကို ဖြစ်စေနိုင်ပါသည်။

Reference(s):

https://abbottfamily.com.sg/articles/pre-school/self-confidence#

August 9, 2021

ကလေးရဲ့ သင်ကြားရေးနှင့် ဖွံ့ဖြိုးမှုအပေါ် အတွေ့အကြုံက သက်ရောက်မှုရှိပုံ

သင့်ကလေး၏ နေ့စဉ် ဖြတ်သန်းရာ ဘဝ နှင့် ထိုမှတစ်ဆင့်ရရှိလာသောဘဝအတွေ့အကြုံများသည် သင့်ကလေးကိုပုံသွင်းသော အရာများဖြစ်သည်။ နေရာ၊ အဖြစ်အပျက်များ သို့မဟုတ် သူ့တို့ကြားဖူးသော ပုံပြင်များမှ အဓိက ဖြစ်ပေါ်လာသည်ဟု ဆိုသော်ငြားလည်း ထိုအချက်များသည် အရာဝတ္ထုများအပေါ် သူတို့၏သိလိုစိတ်မှ အစိတ်အပိုင်းများသာဖြစ်သည်။ သူတို့သည် ထိုအတွေ့အကြုံကို ရယူသင်ကြားကြပြီး အခြားအခြေအနေများတွင် ပြန်လည်အသုံးပြုကြလိမ့်မည်။ မှန်ကန်သော အာဟာရဓာတ်များမရရှိပါက ကလေးတစ်ယောက်သည် သူ၏ဖွံ့ဖြိုးမှုကို အမြင့်မားဆုံး မရရှိနိုင်သောကြောင့် အာဟာရသည်လည်း အရေးပါသည့်အခန်းကဏ္ဍမှ ပါဝင်သည်ကို မမေ့သင့်ပါ။¹^,⁶

အလွန်အကျွံ အကာအကွယ်ပေးခြင်းနှင့် အထီးကျန်မှုကို သတိထားခြင်း

ကမ္ဘာကြီးသည်အလွန်ကျယ်ဝန်းပြီး မိဘများအနေဖြင့် မိမိကလေးအပေါ်ကျရောက်လာနိုင်သော အမျိုးအမည်မသိသည့် ပြဿနာများအတွက် စိုးရိမ်ပူပန်ခြင်းသည် အလိုအလျောက်ဖြစ်လာသောစိတ်ပင်ဖြစ်သည်။ သို့သော် တစ်ခါတစ်ရံတွင် ထိုသို့အလွန်အကျွံကာကွယ်တတ်သော သဘာဝသည် ပြောင်းပြန်ဖြစ်သွားနိုင်သည်။ လူများ၊ အထူးသဖြင့်ကလေးများသည် နီးစပ်သော ဆက်ဆံရေးများ၊ လူမှုရေးအထောက်အပံ့နှင့် ဂရုစိုက်မှုတို့ကို အလိုလိုတောင့်တကြသည်။ ဂရုစိုက်မှုနှင့် လူမှုရေးတုံ့ပြန်မှုများကိုရရှိခြင်းဖြင့် ကလေးများသည် စိတ်ဖိစီးမှုများကို ပိုမိုကောင်းမွန်စွာကိုင်တွယ်ဖြေရှင်းနည်း များ နှင့် ထိန်းချုပ်နိုင်သည့်စွမ်းအားကိုပါ ရရှိနိုင်ပါသည်။ ၎င်းတို့သည် ကလေးတစ်ယောက်၏ ဘဝအရည်အသွေးကို မြှင့်တင်ပေးသော အဓိပ္ပါယ်အမှန်ပင်ဖြစ်ပါသည်။¹^,²

ကလေးများသည် စကားနှင့်မဖော်ပြတတ်သော်လည်း အတွေ့အကြုံဖိအားများနှင့် အထီးကျန်မှုတို့သည် စိတ်ဖိစီးမှုကို ဖြစ်စေနိုင်ပါသည်။ စိတ်ဖိစီးမှုကြာရှည်လာပါက ကလေးများရဲ့ စိတ်ကိုသာမက ခန္ဓာကိုယ်ကိုပါ သက်ရောက်မှု ရှိစေနိုင်ပါသည်။ စိတ်ဖိစီးမှုသည် ကိုယ်ခံစွမ်းအား၏အကျိုးသက်ရောက်မှုကို လျော့နည်းစေနိုင်သောဟော်မုန်း (ကော်တီကိုစတီရွိုက်) ကို ထုတ်လွှတ်ပြီး ခန္ဓာကိုယ်၏ အဆက်မပြတ်နိုးကြားမှုသည် နှလုံးကိုတင်းမာစေကာ ကလေးအသက်ကြီးလာသောအခါ နှလုံးနှင့်ပတ်သက်သော ရောဂါများ ဖြစ်ပွားလာနိုင်ပါသည်။¹^,²

ကလေးများသည် ထူးဆန်းသော မည်သည့်အရာကိုမဆို မှတ်မိကြသည်။

ကလေး၏ဖွံ့ဖြိုးတိုးတက်မှုဆိုတာ မိဘများနှင့် သူတို့၏ ပတ်ဝန်းကျင်အပေါ် အပြုသဘော (သို့) အပျက်သဘော ဆောင်သည့် အပြန်အလှန် တုံ့ပြန်မှုတစ်ခုဖြစ်သည်။ ဗွန်ရက်စ်စတော့ဖ် သက်ရောက်မှု ( ဒေါက်တာ ဟဒ်ဝစ်ဂ် ဗွန် ရက်စ်စတော့ဖ် ၁၉၃၃ ခုနှစ်တွင် ရေးသားခဲ့သော သီအိုရီ) အရ ထူးခြားသောအရာများဖြစ်သောအခါ သို့မဟုတ် တွေ့ရသောအခါ လူတစ်ဦး အထူးသဖြင့် ကလေးတစ်ဦးသည် ထိုအရာနှင့်ပတ်သက်ပြီး ခိုင်မာသောမှတ်ဉာဏ်တစ်ခု မှတ်သားလေ့ရှိသည်။² ကျွန်ုပ်တို့၏ အတိအကျ သတိပြုမိစေရန် အာရုံစိုက်ဂရုပြုမှုနှင့် စိတ်ဝင်စားဖွယ်ကောင်းသော လှုပ်ရှားမှုများ သို့မဟုတ် သင်ကြားရေးပုံစံများနှင့် ပေါင်းစပ်ကာ ကလေးများကို အရာဝတ္ထုအသစ်များအား အကြား၊ အမြင်၊ အကိုင်အတွယ်နှင့် အနံ့ခံခြင်းတို့ ပြုလုပ်နိုင်စေရန် အထောက်အကူပြုပေးနိုင်ပါသည်။

ဗွန်ရက်စ်စတော့ဖ်သက်ရောက်မှုသည် မျက်နှာများအား မှတ်မိနေစေရန်အတွက်သာ မဟုတ်ပဲ အရသာကဲ့သို့သော အခြား အာရုံခံစားမှုများအပေါ်ပါ သက်ရောက်မှုရှိပါသည်။ ဥပမာအားဖြင့် တစ်ခုခုကို ကလေးများ ပိုမိုနှစ်သက်လာစေလိုပါသလား။ စားစရာများကို ကြည့်ကောင်းသော ပုံစံပြုလုပ်ခြင်း၊ ပန်းကန်အလှများသုံး၍ တည်ခင်းခြင်း သို့မဟုတ် သူတို့မကြိုက်သော အစားအစာများကို ကြိုက်သာအစာများနှင့် မသိအောင်ရောပေးခြင်းတို့ ပြုလုပ်ကြည့်ပါ။¹

အာဟာရဓာတ်သည် ကလေး၏ စိတ်ခံစားချက်ပိုမိုကောင်းမွန်အောင် မည်သို့ပုံသွင်းပေးသနည်း။

အာဟာရဓာတ်မပြည့်ဝခြင်းသည် ကလေး၏ အလုံးစုံသောကြီးထွားဖွံ့ဖြိုးမှုအပေါ် သက်ရောက်မှုရှိပြီး သက်တူရွယ်တူများနှင့် တူညီစွာဖွံ့ဖြိုးမှုမရှိသောခက်ခဲမှုများကြောင့် အလေ့အကျင့်ပြဿနာများဖြစ်ပွားနိုင်ပါသည်။ အခြားနည်းဖြင့်ပြောရလျှင် ခန္ဓာကိုယ်သည် လိုအပ်သည့်အရာ (ဦးနှောက်စွမ်းအား အသုံးပြုခြင်းနှင့် တွေးခေါ်ခြင်းသည် စွမ်းအားအမြောက်အများလိုအပ်သည်) များကို မရရှိပါက ကောင်းမွန်စွာလည်ပတ်နိုင်မည်မဟုတ်ပါ။ ထို့အပြင် ငယ်စဉ်က အစားအစာကို ကျန်းမာရေးနှင့်အညီ စားလာခဲ့သောကလေးသည် အဝလွန်ခြင်း သို့မဟုတ် ဆီးချိုရောဂါများ ဖြစ်ပွားနိုင်ခြေ နည်းပါသည်။ ထိုသို့ဖြစ်ရခြင်းမှာ အရေးပါသောအာဟာရဓာတ်များ ပါဝင်မှုနည်းသောစားသောက်ပုံတစ်ခုသည် ခန္ဓာကိုယ်မှ အဆီ၊ ကာဗိုဟိုက်ဒရိတ်နှင့် ကယ်လိုရီများ လောင်ကျွမ်းသောနည်းလမ်းကို ပြောင်းလဲစေသောကြောင့်ဖြစ်သည်။ ၎င်းသည် ဆာလောင်မှုကိုထိန်းချုပ်နိုင်ရန် စိတ်နှင့် တည်ငြိမ်သောခံစားချက်တို့ဖြင့် စတင်ပြီး ထိုအတွက် ဖောလိတ်၊ ဗီတာမင် B6 နှင့် ကိုလင်း တို့ကဲ့သို့သောအာဟာရဓာတ်များသည် ထိုသို့ထိန်းညှိပေးသော ဦးနှောက်ဓာတုပစ္စည်းများကို ထုတ်ပေးနိုင်ရန်အတွက် လိုအပ်ပါသည်။ ³^,⁴

ကလေး၏အစားစားချင်စိတ်ကိုအထောက်အကူပြုရန်အတွက် သင့်ကလေးကြိုက်သောအစားအစာများနှင့် အစားအစာအသစ်များကို တွန်းအားပေးခြင်းမရှိပဲ စမ်းစားကြည့်စေရန် တိုက်တွန်းရပါမည်။ အစားချေးများခြင်းသည် ကလေးများ၏ သဘာဝဖြစ်ပြီး စိတ်ရှုပ်နေမည့်အစား ထိုအစားအစာအုပ်စုထဲမှ အခြားရွေးချယ်စရာများအား စဉ်းစားပေးခြင်း သို့မဟုတ် အားဖြည့်ထားသောအစားအစာများ သို့မဟုတ် ကလေးအတွက်ဖော်စပ်စာများ တိုက်ကျွေးပေးရပါမည်။ မှန်ကန်သော အာဟာရဓာတ်ပမာဏသည် အရေးပါပြီး အစားတစ်မျိုးတည်းဖြင့် မလုံလောက်သောအခါ Similac Gain IQ Kid က အကူအညီပေးနိုင်ပါသည်။ အမြင်အာရုံနှင့် ဦးနှောက်ဖွံ့ဖြိုးမှုကို ထောက်ပံ့ပေးသော DHA (ဒကိုစာဟက်စနိုးရစ် အက်စစ်)၊ လူတင်း နှင့် သဘာဝဗီတာမင် E, ကိုယ်ခံစွမ်းအားကိုထောက်ပံ့ပေးသော နှစ်ထပ်ကွမ်း အက်ဖ်အယ်လ် အိတ်ချ်အမ်အို နှင့် နယူကလီရိုတိုက်(ဒ်) တို့ ထူးခြားစွာ ပေါင်းစပ်ပါဝင်သောကြောင့် သင့်ကလေးအား သင်ယူခြင်းနှင့် ရှင်သန်ခြင်းကို အထောက်အကူပြုစေပါသည်။ သင့်ကလေးနှင့်အတူ စကားပြောခြင်း၊ သင်ကြားပေးခြင်း၊ သင်ယူခြင်း နှင့် စူးစမ်းခြင်းတို့ကို လူမှုဆက်ဆံရေးအနေဖြင့် လုပ်ဆောင်ခြင်းသည် ၎င်းတို့ရှင်သန်ခြင်းအတွက် အထောက်အကူပြုစေသောအချိန်တွင် အာဟာရဓာတ်ကဲ့သို့ပင် အရေးပါပါသည်။ ကြီးထွားဖွံ့ဖြိုးစေသည့် Similac နှင့်ပတ်သက်ပြီး ရွေးချယ်စရာများအား အပြည့်အဝ သိရှိခံစားနိုင်ရန် ယနေ့ပဲ Similac Myanmar တွင် နမူနာရယူဖို့ စာရင်းပေးသွင်းလိုက်ပါ။

References:

https://www.noisolation.com/research/how-does-social-isolation-affect-a-childs-mental-health-and-development
https://practicalpie.com/von-restorff-effect/
https://txchildren.org/posts/2014/8/20/5-ways-early-childhood-experiences-shape-kids-forever
https://www.nutritionnews.abbott/pregnancy-childhood/kids-growth/how-nutrition-can-shape-a-child-s-emotional-well-being/
Auestad,Halter et al.2001, Auestad,Scott et al.2003
Buck R et al. 2004, Schaller et al 2004, Auestad, Halter et al.2001

Additional References;

https://similacmyanmar.com/mm/product-trial/

August 9, 2021

ကလေးများကို သစ်သီးများနှင့် ဟင်းသီးဟင်းရွက်များစားခြင်းကို နှစ်သက်စေဖို့ ကူညီပေးမည့် ပျော်စရာနည်းလမ်းများ။

ငယ်ရွယ်စဉ်အခါတွင် လတ်ဆတ်သော သစ်သီးများနှင့် ဟင်းသီးဟင်းရွက်များသည် အဘယ်ကြောင့် ကောင်းမွန်သည်ကို ကလေးများနားမလည်သေးပါ။ ထို့ကြောင့်မိဘများသည် ကျန်းမာပျော်ရွှင်စွာ စားသောက်မှုပြုလုပ်ရန် လုံးလုံးလျားလျား ချဉ်းကပ်မှုကို ပြုလုပ်သင့်သည်။ ကျန်းမာရေးနှင့် ညီညွတ်သော အစားအစာများကို စားသောက်သောကလေးများသည် အာရုံစူးစိုက်မှု ပိုမိုအားကောင်းစေပြီး မှတ်ဉာဏ်တိုးတတ် တက်စေကာ ပိုပျော်ရွှင်ကြပါသည်။ ဖော်ပြထားသည်များမှာ အသီးအနှံများနှင့် ဟင်းသီးဟင်းရွက်များစားသုံးခြင်း သည် အဘယ့်ကြောင့်အရေးကြီးကြောင်းနှင့် ၄င်းတို့ကို သင့်ကလေးငယ်များ ချစ်လာစေရန် ပျော်စရာကောင်းသောနည်းလမ်းအချို့ဖြစ်သည်။

၁။ ကျန်းမာရေးနှင့်ညီညွတ်သည့်အစားအစာများကို စောစီးစွာစားသုံးခြင်းသည် ပိုကောင်းပါသည်။

ကလေးများသည် ရင်းနှီးကျွမ်းဝင်မှုကို နှစ်သက်သောကြောင့် ပုံစံအမျိုးမျိုးဖြင့် သစ်သီးများနှင့် ဟင်းသီးဟင်းရွက်မျိုးစုံကို စတင်၍ မိတ်ဆက်ပေးခြင်ဖြင့် ၎င်းတို့ နှစ်သက်လာစေရန် ကူညီပေးပါလိမ့်မည်။ ချက်ပြုတ်ခြင်း၊ အနှစ်ပြုလုပ်ခြင်းနှင့် ခြေခြင်း တို့ကို မတူညီသည့်အရာများနှင့် ၎င်းတို့ကြိုက်နှစ်သက်သည့်အရာများကို တဖြည်းဖြည်းခြင်း လိုက်လျောညီထွေဖြစ်အောင် ကြိုးစားကြည့်ပါ။ ဥပမာအားဖြင့် ဘရိုကိုလီ သို့မဟုတ် ဟင်းနုနွယ်ရွက်များသည် ကလေးများ ၏ ပြင်းပြသောအရသာများ အတွက် အရသာလျော့နည်းနေသော်လည်း ဗီတာမင် စီ၊ လူတင် နှင့် အမျှင်ဓာတ်များကြွယ်ဝသောကြောင့် ၎င်းတို့ကို သစ်သီးဖျော်ရည်များ သို့မဟုတ် စွပ်ပြုတ်များနှင့် ရောစပ်ပြီးအရသာများကို ဖုံးထားခြင်းဖြင့် ၎င်းတို့အတွက် စားသုံးရန် နည်းလမ်းတစ်ခုဖြစ်သည်။ ဘယ်အရာများသည် ၎င်းတို့အတွက် အလုပ်ဖြစ်သည်ကို အာရုံစိုက်ပါ။

၂။ ဘာကြောင့်စောစီးစွာလုပ်သင့်သလဲ။

အာဟာရပြည့်မီသော ကလေးများသည် ဉာဏ်ရည်ထက်မြက်ပြီး ပို၍ အတတ်မြန်ကြသည်။ သစ်ကြားသီးနှင့် ဒိန်ချဉ်တို့တွင် အကောင်းဆုံး အရည်အသွေးရှိသော ပရိုတင်းများပါဝင်သောကြောင့် ဦးနှောက်ဆဲလ်များ ဆက်သွယ်မှု နှင့် သတင်းအချက်အလက်များကို ထိရောက်စွာ ထိန်းသိမ်းပေးနိုင်သည့်အတွက် မှတ်ဉာဏ်ကို တိုးတတ်တက်စေသည်။ ပဲပိစပ်နှင့် ပင်လယ်ရေမှော်များမှ ရသော အိုမီဂါ ၃ ဖက်တီးအက်စစ်သည် ဦးနှောက်ဆဲလ်များ ထုတ်လုပ်မှုကို ပံ့ပိုးပေးပြီး ဆဲလ်ပြိုကွဲမှုကို နှေးကွေးစေသည်။ ဦးနှောက်သည် ကာဗိုဟိုက်ဒရိတ် အရည်အသွေး၏ စွမ်းအင်ကို အဓိကအရင်းအမြစ်များထဲမှ တစ်ခုဖြစ်သော ဂလူးကို့စ်ကို မှီခိုအားထားရသည်။ ၎င်းသည်ဦးနှောက်၏ ခံနိုင်ရည်ကို တသမတ်တည်းရှိစေသည်။ ထုပ်ပိုးထားသော အစားအစားများသည် မြင့်မားသောသကြားနှင့် ဆိုဒီယမ်ဓာတ်များ သို့မဟုတ် ကယ်လိုရီများဖြင့်သာ ထုတ်လုပ်ထားပြီး ကန်စွန်းဥ၊ ပြောင်းဖူး၊ ငှက်ပျောသီး နှင့် သရက်သီးကဲ့သို့သော သဘာဝအရင်းမြစ်များသည် လတ်ဆတ်ရုံသာမက အကောင်းဆုံးဖြစ်သည်။

၃။ သင်ကြားခြင်းကို ပျော်စရာများဖြင့် ပေါင်းစပ်ပါ။

ကလေးကစားစရာများနှင့် အဆင်သင့်လုပ်ထားသော အစားအစာအများစုသည် ပျော်စရာပုံစံများနှင့် အရောင်အသွေးအစုံအလင် ဖြစ်နေရခြင်းအကြောင်းအရင်းမှာ ကလေး၏ဦးနှောက်သည် အသစ်အဆန်းနှင့် စိတ်လှုပ်ရှားဖွယ်ရာများကို နှစ်သက်သောကြောင့်ဖြစ်သည်။ ထို့ကြောင့် ကလေးတစ်ဦးကို အများအားဖြင့် မကြိုက်နှစ်သက်သည့်အရာကို စားစေချင်သည့်အခါတွင် လိုက်နာရမည့် နိယာမတစ်ခုဖြစ်သည်။ ကုန်စုံဆိုင်တွင် ၎င်းတို့နှင့်အတူ အစားအစာအမျိုးအစားခွဲခြားခြင်း ဂိမ်းများကစားပါ သို့မဟုတ် တက်ကြွစွာလှုပ်ရှားစေခြင်းဖြစ်စေရန် ကိုယ်အလေးချိန်ချိန်ပြီး သင်္ချာသင်ပေးပါ။ အစားအသောက်နှင့် မကစားရန်သည် ယေဘူယျ စည်းမျဉ်းတစ်ခုဖြစ်သော်လည်း ဤအခြေအနေတွင် ၎င်းသည် ကျန်းမာသော အစာစားခြင်းကို မြှင့်တင်ရန် နည်းလမ်းတစ်ခုဖြစ်သောကြောင့် ၎င်းကို လျှော့ပေါ့ပေးပါ။ အကူအညီဖြစ်စေရန် သင့်ကလေးအား ၎င်း အစာစားသည့် ပုံသဏ္ဍာန်ကို သင့်တော်သည့်အရွယ်အစားဖြစ်အောင် ဖြတ်တောက်ပါ သို့မဟုတ် ၎င်းတို့စားလိုသော ပုံစံဖြစ်အောင် ပြုလုပ်ပါ။

အံ့ဩဖွယ်ကောင်းသော အသီးအနှံများနှင့် ဟင်းသီးဟင်းရွက်များကို စောစီးစွာ ပေးထိတွေ့ခြင်းသည် ၎င်းတို့အား စိတ်ရှုပ်စရာမရှိဘဲ စားသုံးရန် အထောက်အကူဖြစ်စေသော်လည်း တစ်ခါတစ်ရံတွင် သင်မည်မျှပင် ကြိုးစားပါမူ သင့်ကလေးသည် ၎င်းအစားအစာကို မစားပါ။ ထို့ကြောင့် ဤအခြေအနေမျိုးတွင် အချို့သောအာဟာရဓာတ်များ ဆုံးရှုံးမည်ကို စိုးရိမ်ပါက Similac Gain IQ အသက်၂နှစ်နှင့် အထက် ကလေးများအတွက်ဖော်စပ်စာ ကကူညီနိုင်သည်။ Similac Gain IQ တွင် ပါရှိသော အာဟာရများသည် ကိုယ်ခံစွမ်းအားကို ပံ့ပိုးပေးနိုင်သည့် 2’FL HMO နှင့် Nucleotides များဖြစ်ပြီး သင်ယူမူပိုမိုမြန်ဆန်စေရန်အတွက် အဓိက ဦးနှောက်အာဟာရ ၁၀ မျိုးပါရှိသည်။ လူတင်း၊ ဒီအိတ်ချ်အေ နှင့် သဘာဝ အာအာအာ ဗီတာမင် အီး, ကယ်လ်စီယမ်၊ ဗီတာမင် K နှင့် D တို့၏ ထူးခြားသော ပေါင်းစပ်မှုသည် အရိုးနှင့်သွားများကို သန်မာစေပြီး သင်ယူနိုင်စွမ်းကို ထောက်ပံ့ပေးသည်။ ထုပ်ပိုးသည့် ပစ္စည်းများတွင် စားအုန်းဆီမပါဝင်ပဲ အသီးအရွက်အဆီများနှင့် ပေါင်းစပ်ထားပြီး ကောင်းမွန်သောအာဟာရများ ပို့ပေးခြင်းနှင့် အာဟာရဓာတ်များကို ကောင်းစွာစုပ်ယူစေပြီး ဝမ်းပျော့ပျော့သွားစေပါသည်။

နမူနာပစ္စည်းရယူရန်

References:

August 9, 2021

ကိုယ်ဝန်ဆောင်မိခင်တွေ အာဟာရနှင့်ပတ်သက်ပြီး လွဲမှားနေသော အကြောင်းအရာများ

တကယ်လို့ သင်သည် ကလေးယူရန် စီစဉ်နေသည်ပြီ သို့မဟုတ် ကိုယ်ဝန်ရှိနေပြီဟု အခြားသူများအား ပြောပြလိုက်ပါက မိတ်ဆွေအပေါင်းအသင်းများထံမှ ကောင်းစေချင်သော အကြံပေးချက်များ အမြောက်အများ ပေးကြမည်ဖြစ်သည်။ ထိုအကြံ အများစုသည် အမှန်တရား တချို့အပေါ်တွင် အခြေခံထားသော်လည်း အချို့မှာ ယုံတမ်းစကားအပေါ် အခြေခံထားသော အရာများသာဖြစ်သည်။ ရှေးလူကြီးများ၏ အယူအဆတချို့နှင့် ယုံတမ်းစကားများ ရှောင်ရှားပြီ ကိုယ်ဝန်ဆောင် မိခင်တစ်ဦးတစ်ယောက်ခြင်းစီသည် မိမိ အာဟာရ လိုအပ်ချက်ပေါ်မူတည်၍ အာဟာရများကို (ဥပမာ Similac MUM ကိုယ်ဝန်ဆောင် မိခင်များနှင့် နို့တိုက်မိခင်များအတွက် အာဟာရ) ထောက်ပံ့ပေးရန် လိုအပ်ပါသည်။ အောက်တွင် ကိုယ်ဝန်ဆောင်မိခင်များအား အကြံပေးလေ့ရှိသော အများစုယုံကြည်ကြသည့် အချက် (ယုံတမ်းစကား) အနည်းငယ်ကို ဖော်ပြထားပါသည်။¹^,⁵

ကိုယ်ဝန်မဆောင်ခင် ကျမ်းမာရေးအကြောင်း ဆွေးနွေးခြင်း

ယုံတမ်းစကား

အကယ်၍ အရင်က သင်ဟာ ကျန်းမာရေး မကောင်းခဲ့ဘူးဆိုရင် ကိုယ်ဝန်ဆောင်/ရချင်တာကြောင့် ကျန်းမာအောင် ကြိုးစားခြင်းက အထောက်အကူ မဖြစ်ပါ။

ကျွမ်းကျင်သူများ၏ အကြံပေးချက်များ

ကျန်းမာရေးကောင်းမွန်ဖို့ ကြိုးစားရန် နောက်ကျနေပြီ’ ဆိုသောအချက်မရှိပါ။ ကျန်းမာရေးနှင့် ညီညွတ်သော နေထိုင် စားသောက်မှု ပုံစံကို ရွေးချယ်ချမှတ်ပြီးပြီဆိုရင် ထိုရွေးချယ်မှုနှင့် ထပ်တူကျအောင်နေထိုင်ခြင်းသည် ဘာမှမလုပ်ခြင်းထက် ပို၍ကောင်းပါသည်။ကျန်းမာရေးနှင့် အညီ နေထိုင်စားသောက်နေသည့်အချိန်မှာ ပြုပြင်ပြောင်းလဲထားတဲ့ အစားအသောက်များကို ရှောင်ရှားခြင်း သို့မဟုတ် စျေးကြီးပေး ဝယ်စားရသည့် organic အစားသောက်များကို သာ ရွေးချယ် စားသောက်ခြင်းထိအထိ အတင်းအကျပ် လုပ်စရာ မလိုပါ။ သင့်တစ်နေ့တာ စားသောက်မှုလိုအပ်ချက် ပြည့်ဝစေရန်သာ အာရုံစိုက်ပြီး အနည်းဆုံး အသီးအရွက် ၄ ပန်းကန်နှင့် သစ်သီး တစ်နေ့လျှင် ၂ပန်းကန်မှ ၄ပန်းကန် စားသုံးရန်သာ အာရုံစိုက်သင့်ပါသည်။³

ကိုယ်အလေးချိန် တိုးမြှင့်ခြင်း

ယုံတမ်းစကား

ကိုယ်ဝန်ဆောင်ချိန်အတွင်း ကိုယ်အလေးချိန်တိုးလာရမည်။ အကြောင်းမှာ ၎င်းတို့သည် ၂ဦးစာအတွက် စွမ်းအင်လိုအပ်သောကြောင့်ဖြစ်သည်။

ကျွမ်းကျင်သူများ၏ အကြံပေးချက်များ

မိခင်တစ်ဦးဖြစ်လာမည့် အမျိုးသမီးတစ်ဦး၏ စံပြကိုယ်အလေးချိန်သည် ကျွန်ုပ်တို့၏ ကျန်းမာရေးအသိ အဆင့်မြင့်လာသည်နှင့်အမျှ တိုးတက်ပြောင်းလဲလာပါသည်။ အမျိုးသမီးတစ်ဦး တိုးလာရမည့် ကိုယ်အလေးချိန် ပမာဏသည် သူကိုယ်ဝန်မဆောင်မီအချိန် ကိုယ်အလေးချိန်အပေါ်တွင် မူတည်နေသည်။ အကြောင်းမှာ မိခင်ဖြစ်လာမည့်သူတစ်ဦးသည် ၂ဦးစာ စားသောက်တတ်သဖြင့် လွယ်ကူစွာ အဝလွန်တတ်သောကြောင့် ဖြစ်သည်။ ထို့ပြင် ကိုယ်ဝန်ဆောင်ချိန် တိုးလာသော ကိုယ်အလေးချိန်ကို ချရန်အတွက် လူအမြောက်အမြား အခက်အခဲကြုံရသော အချက်ကြောင့် သူတို့၏ အဝလွန်နိုင်ချေကို တိုးမြှင့်စေပါသည်။ သင်၏ ကိုယ်ဝန်ဆောင်စဉ် စံပြကိုယ်အလေးချိန်အကြောင်းကို သိရှိနိုင်ရန် သိကျွမ်းနားလည်သော ဆရာဝန်များ (သားဖွားနှင့် မီးယပ်အထူးကု ဆရာဝန်များ) နှင့် တိုင်ပင်လိုက်ပါ။¹^,²

အလွန်အကျွံ မစားသောက်ပဲ နည်းမှန် လမ်းမှန် စားသောက်ပေးပါ

ယုံတမ်းစကား

အစားသည် စားစရာသာဖြစ်သည်။ တောင့်တခြင်းသည် ပုံမှန်ပင်ဖြစ်ပြီး ကြိုက်တာစားလို့ရပြီး အရမ်းမစားလျှင် ပြဿနာမရှိနိုင်ပါ။

ကျွမ်းကျင်သူများ၏ အကြံပေးချက်များ

အကြောင်းမှာ လူအများစုသည် သူတို့ထင်ထားသည်ထက် ပို၍ စားသောက်နေကြောင်း ကိုယ့်ကိုယ်ကိုယ် မသိသောကြောင့်ဖြစ်သည်။ ထို့ပြင် သူတို့ဗိုက်ဝသည်အထိ စားသောက်ကြသော်လည်း သူတို့၏ အစားရွေးချယ်မှုတွင် အာဟာရဓာတ် နည်းပါးနေတတ်ပါသည်။ သင်သည် အကောင်းဆုံးကို ဦးတည်ပြီး သင့်ခန္ဓာကိုယ်မှ ကိုယ်ဝန်ဆောင်ချိန်နှင့် သင့်အတွက် လိုအပ်သော အာဟာရဓာတ်များကို အလိုလို စုပ်ယူလိမ့်မည်ဟု မျှော်လင့်နေသည်။ ဟုတ်ပါသည်။ သင်ကော်ဖီသောက်၍ရပါသည်။ သို့သော် ကော်ဖီ ၂ခွက်မှ ၃ခွက်အထိ ( ၃၀၀ မီလီဂရမ် ကဖိန်းနှင့် ညီမျှသော) သာ သတ်မှတ်သောက်သုံးရပါမည်။⁴ ကဖိန်းဓာတ် များပြားခြင်းသည် စိုးရိမ်စိတ်နှင့် အိပ်ချိန် မမှန်ခြင်းကို တိုးမြှင့်စေပြီး ထပ်တိုးအနေဖြင့် ကိုယ်ဝန်ဆောင်မိခင်တစ်ဦး မလိုအပ်သော စိတ်ဖိစီးမှုကို ဖြစ်စေနိုင်ပါသည်။ ကိုယ်အလေးချိန် တိုးတက်မှု မများစေရန်အတွက် ကယ်လိုရီကို ဂျုံနှင့်ပြုလုပ်ထားသော အစားအစာများ၊ သစ်သီးများ၊ ဟင်းသီးဟင်းရွက်များနှင့် ကျန်းမာရေးနှင့်ညီသော အဆီများမှ အဓိက ရယူရပါမည်။ ကိုယ်ဝန်ဆောင်သူ တစ်ဦးအနေဖြင့် လုံလောက်စွာ စားရမည့် အဓိကအရေးပါသော အာဟာရဓာတ်များမှာ ဖောလစ်အက်စစ်၊ သံဓာတ်၊ အိုမီဂါ ၃ ဖက်တီအက်စစ်နှင့် ကိုယ်အလေးချိန်ထိန်းရန်၊ အရိုးကျန်းမာရေးကိုအထောက်အကူပြုရန် နှင့် နှလုံးကျန်းမာရေးကို အထောက်အပံ့ပေးနိုင်သော ကယ်လ်ဆီယမ်နှင့် ဗီတာမင် D တို့ဖြစ်ပါသည်။⁴

မိမိကိုယ်တိုင်နှင့် ကိုယ်ဝန်ကို အထောက်အကူပြုစေရန် သင်အကောင်းဆုံး ကြိုးစားခြင်းသည် ကောင်းမွန်သော အစတစ်ခုဖြစ်ပါသည်။ အပိုအကူအညီအနေဖြင့် သင့်အား ကယ်လိုရီချည်းသက်သက် အစားအစာများကို ကန့်သတ်ရန်နှင့် စားချင်စိတ်များဖြစ်ပေါ်လာသောအခါတွင် ကျန်းမာရေးနှင့်ညီညွတ်သောရွေးချယ်မှုများကို ပြောင်းလဲ၍ ထောက်ပံ့ပေးနိုင်ရန် သင်ချစ်ရသောသူ၏ အကူအညီကို ရယူလိုက်ပါ။ သင်စားသောက်ရမည့် အစားအစာပုံစံသည် သင်၏ အစပိုင်းကျန်းမာရေးအပေါ် မူတည်နေပြီး တစ်နေ့တာအတွက် လိုအပ်သော အာဟာရဓာတ်များကို ရရှိနေသ၍ သင်အဆင်ပြေနေမည်ဖြစ်ပါသည်။ အကယ်၍ သင်၏ အာဟာရဓာတ် ရရှိရန် ကြိုးပမ်းမှုသည် မလုံလောက်ဟု ခံစားနေရပါက Similac Mum က အကူအညီပေးနိုင်ပါသည်။ ၎င်းသည် ကိုယ်ဝန်ဆောင်နှင့် နို့တိုက်မိခင်များအတွက် ကိုယ်အလေးချိန် အလွန်အကျွံမတိုးစေပဲ လိုအပ်သော အာဟာရဓာတ်များကို ပေးစွမ်းနိုင်ရန် သိပ္ပံနည်းကျ ဖော်စပ်ထုတ်လုပ်ထားပါသည်။ ထို့အပြင် ဝမ်းမှန်စေသော ပရီဘိုင်အော့တစ် scFOS၊ ကိုယ်ခံစွမ်းအားစနစ်နှင့် အရိုးကျန်းမာရေးကို အထောက်အကူပေးသော ဇင့်၊ ဗီတာမင် C၊ D (ကယ်လ်ဆီယမ် စုပ်ယူမှုကို ကူညီထောက်ပံ့ပေးသည်)၊ E နှင့် ဆီလီနီယမ် တို့ကဲ့သို့သော အရေးပါသော ဗီတာမင်နှင့် သတ္တုဓာတ် ၂၇မျိုး ပါဝင်ပါသည်။ သင့်အတွက် Similac MUMက အကောင်းဆုံး ဟုတ်မဟုတ်သိရရန် ယနေ့ပဲ Similac Myanmar သို့လာရောက်ပြီး နမူနာရယူရန် စာရင်းပေးသွင်းလိုက်ပါ။⁵

References:

^ Huynh DTT, Tran NT, Nguyen LT, Berde Y, Low YL.

Additional References;

June 2, 2021

ကျန်းမာရေးအတွက် ရွေးချယ်မှု နှင့် ချဉ်ခြင်းတက်ခြင်း

ချဉ်ခြင်းတက်ခြင်းနှင့် ကျန်းမာရေးနှင့်အညီ ရွေးချယ်မှု

ချဉ်ခြင်းတက်ခြင်းသည် မိခင်များ ကိုယ်ဝန်ဆောင်စဉ်နှင့် နို့တိုက်ကျွေးသည့်အဆင့်တို့တွင် တွေ့လေ့ရှိသောဖြစ်ရိုးဖြစ်စဉ်တစ်ခုသာဖြစ်သည်။ ခန္ဓာကိုယ်သည် လူတစ်ဦးထက်ပို၍ စွမ်းအင်သုံးစွဲရန် ကြိုးစားနေသောကြောင့် ထိုသို့သောအပြုအမူများကျူးလွန်မိခြင်းမှာ အပြစ်ရှိသည်ဟု မခံစားရသင့်ပါ။ အတွေ့များသော ချဉ်ခြင်းတက်သည့်အရာများမှာ ပရိုတင်း၊ အဆီနှင့် ကယ်လ်ဆီယမ်ကြွယ်ဝသော အစားအစာများဖြစ်သည်။ ခန္ဓာကိုယ်သည် ၎င်း၏ကြီးထွားမှုကို ထောက်ပံ့ပေးသောအရာများကို တောင့်တသည်မှာ ပင်ကိုယ်စရိုက်သာဖြစ်သော်လည်း ထိုသရေစာမုန့် အများစုတို့သည် ကျန်းမာရေးနှင့် မညီညွတ်ပါ။ အချိူ့ သရေစာမုန့်များသည် သင့်တစ်နေ့တာလိုအပ်သော ကယ်လိုရီ၏ ၂၅%အထိ ထောက်ပံ့ပေးနိုင်သောကြောင့် ဗိုက်ပြည့်ပြီး အာဟာရဖြစ်မည့်အရာကို ကြိုတင်ပြင်ဆင်ထားရန်မှာ အရေးကြီးသည်။ ပိုမိုကောင်းမွန်သော ကိုယ်ဝန်ဆောင်စဉ်နှင့် နို့တိုက်ကျွေးခြင်းတို့အတွက် အစားအသောက်ပုံစံနှင့် သရေစာမုန့်ရွေးချယ်သည့်အခါ အထောက်အကူဖြစ်စေမည့် နည်းလမ်းများကို အောက်တွင် ဆက်လက်ဖတ်ရှုကြည့်ရအောင်။

အာဟာရပြည့်ပြည့်စားခြင်းသည် အဓိက: သင့်မနက်စာ၊ နေ့လည်စာနှင့် ညစာတို့သည်သည် ပိုမိုဗိုက်ပြည့်ပြီး ကျေနပ်စရာကောင်းလေလေ ကြားထဲတွင် သရေစာမုန့်စားချင်စိတ် နည်းလေလေဖြစ်သည်။

မမေ့လျော့စရာ အစာအုပ်စု (၅)ခု: အမျှင်ဓာတ်နှင့် ကစီဓာတ်အတွက် ဂျုံအမျိုးမျိုး၊ ဗီတာမင်အတွက် အရွက်အမျိုးမျိုး၊ Antioxidants အတွက် အသီးအမျိုးမျိုး၊ အဆီနှင့် ကယ်လ်ဆီယမ်အတွက် နို့ထွက်ပစ္စည်း၊ စွမ်းအင်အတွက် ပရိုတင်းတို့ လိုအပ်သည်။ သင့်နေ့စဉ်အစားအစာတိုင်းတွင် ထိုအစာအုပ်စု (၂) စု အနည်းဆုံး ထည့်သွင်းစားသောက်သင့်သည်။ ထိုသို့ ကောင်းမွန်မျှတစွာစားသုံးခြင်းက ပိုမိုကောင်းမွန်စွာ ရှင်သန်ရေးအတွက် အရေးပါသည်။

ကား၊ ပိုက်ဆံအိတ် (သို့မဟုတ်) ရေခဲသေတ္တာ: ဂျုံနှင့်ပြုလုပ်ထားသော ခရက်ကာမုန့်ကြွပ်များ၊ အသီးများ၊ အဆီနည်း ဒိန်ချဉ်၊ အဆီနည်း ချိစ့် (သို့မဟုတ်) အစေ့အမျိုးမျိုးတို့ကို ပမာဏခွဲပါ။ အိမ်မှထွက်သည့်အခါ ပုပ်သိုးတတ်သည်များကိုသာ ယူဆောင်သွားပါ၊ ကားထဲတွင်လည်း မမေ့ခဲ့ပါနှင့်။ စားဖွယ်များကို ထိုသို့ပမာဏခွဲကာ စားသုံးခြင်းက ချဉ်ခြင်းတက်ခြင်းနှင့် လိုအပ်သည်ထက် ပိုမိုစားသုံးမိခြင်းတို့ကို ကာကွယ်ပေးနိုင်သည်။ အချိန်နှင့် နေရာအခက်အခဲရှိလျှင် အသင့်သောက် အသီးဖျော်ရည်၊ အာဟာရ

ဖြည့်စွက်စာ (ဥပမာ- Similac Mum သည် အသင့်ပြင်ဆင်နိုင်ပြီး အအေးခံထားနိုင်သည်)များ ဆောင်ထားနိုင်သည်။

သောက်ရေအဆင်သင့်: သင့်ကိုယ်သင် ရေဓာတ်ပြည့်နေဖို့ကို မကြာမကြာသတိပေးပါ။ ရေသည် အစာခြေစနစ်နှင့် အမိုင်နိုအရည်များဖွဲ့စည်းမှုကိုလည်း ပိုမိုကောင်းမွန်စေသည်။ ရေဓာတ်ကောင်းမွန်စွာ ပြည့်ဝသော ခန္ဓာကိုယ်သည် ၎င်း၏လုပ်ဆောင်မှုများကို ပိုမိုကောင်းမွန်စေပြီး ရေသောက်ခြင်းဖြင့် စိတ်ဖိစီးမှုကိုလည်း လျှော့ချနိုင်သည်။ တစ်ရက်လျှင် ရေ ၂၃၇ မီလီ ၁၀ ခွက် သောက်သုံးသင့်သည်။

အစားအသောက်များကို စိတ်တိုင်းလည်းကျ ကျန်းမာရေးနဲ့လည်းညီညွတ်စေမည့် အခြားနည်းလမ်းများ

ပိုကောင်းသော ရွေးချယ်မှုများကို ပြုလုပ်ရန် အချိန်တစ်ခုလိုအပ်သော်လည်း ထိုရွေးချယ်မှု၏ အသီးအပွင့်မှာ မိခင်သင်တစ်ဦးတည်းမဟုတ်ဘဲ အထူးသဖြင့်ကလေးအတွက်ပါ ဖြစ်သည်။ အသီးများကို ကြိုလှီးခြင်း၊ လတ်ဆတ်သည့် အသီးအနှံများအတွက် ဝယ်ယူရန်အချိန်၊ အလေအလွင့်နည်းအောင် သိမ်းဆည်းခြင်းများ စသည်တို့အတွက် စားသောက်ရန် အစားအစာများကို တစ်ပတ်လျှင်တစ်ရက်အချိန်ယူကာ လွယ်ကူစေရန် ပြင်ဆင်ပါ။ စားသောက်သည့်အခါတွင်လည်း ကျန်းမာရေးနှင့် ညီညွတ်သည်များကိုသာ စားသုံးပါ။ ဆီကြော်အစားအသောက်များ မည်သို့ပင် ဆွဲဆောင်စေကာမူ သင်္ဘောသီးသုပ်၊ ခရမ်းချဉ်သီးသုပ်တို့ကိုသာ စားပါ။ ရှောင်ကြဉ်ရမည်တို့မှာ ကောင်းမွန်စွာချက်ပြုတ်မထားသော အသား၊ ချိစ့်အချို့ (သင့်သားဖွားမီးယပ်ဆရာဝန်နှင့် မူတည်သည်)၊ မပြုတ်ထားသော အပင်ပေါက်များနှင့် ဆေးဖက်ဝင်အပင် လက်ဖက်ရည်များ (သင့်အတွက် အန္တရာယ်ကင်းကြောင်း သင့်သားဖွားဆရာဝန်နှင့် ဆွေးနွေးပါ) တို့ဖြစ်သည်။

သင့်အနေနှင့် အချို့အစားအသောက်များသည် ကိုက်ညီမှုရှိမရှိကို မသေချာပါက ကိုယ်ဝန်ဆောင်မိခင်များနှင့် နို့တိုက်မိခင်များအတွက် အထူးထုတ်လုပ်ထားသော အာဟာရဖြည့်စွက်စာများကိုသာ အမြဲတမ်း ရွေးချယ်သင့်သည်။ မလေးရှား အာဟာရစားသုံးမှုလေ့လာချက်တစ်ခုတွင် ကိုယ်ဝန်ဆောင်နှင့် နို့တိုက်မိခင်များအတွက် Similac Mum သည် အဆိုပါလိုအပ်သော အာဟာရဓာတ်များကို ဖြည့်တင်းပေးနိုင်ပြီး ကိုယ်အလေးချိန်ပိုတိုးလာခြင်း မရှိသည်ကို တွေ့ရှိရသည်။ လူတင်း၊ သဘာ၀ဗီတာမင်အီး (အာအာအာ)၊ DHA ဒီအိတ်ချ်အေ၊ ခိုလင်း၊ ဖောလစ်အက်ဆစ် နှင့် သံဓာတ်တို့ သိပ္ပံနည်းကျပေါင်းစပ်ထားသောကြောင့် ဦးနှောက်နှင့် မျက်လုံးဖွံ့ဖြိုးမှုအတွက် အထောက်အကူပြုပါသည်။

နမူနာပစ္စည်းရယူရန်

References:

https://abbottfamily.com.sg/articles/nutrition/losing-weight-after-pregnancy#
https://www.crystalkarges.com/blog/how-nutrition-can-help-you-combat-postpartum-depression
https://abbottfamily.com.sg/products/page/similac-mum
Huynh DTT et al. J Matern Fetal Neonatal Med. 2017 May 7: 1-9 – https://www.tandfonline.com/doi/full/10.1080/14767058.2017.1320984

June 2, 2021

ကိုယ်ဝန်ဆောင်ပြီး ကိုယ်အလေးချိန်လျှော့ချခြင်း

ပြန်လည်ဦးမော့လာခြင်း : ကိုယ်ဝန်မဆောင်မီ ကျန်းမာကြံ့ခိုင်မှုများ ပြန်လည်ရရှိရန် နည်းလမ်းများ

ကိုယ်ဝန်မဆောင်မီက ခန္ဓာကိုယ်ကို ပြန်လည်ရယူလိုခြင်း သို့မဟုတ် ခန္ဓာကိုယ်ကို ပိုမိုကောင်းမွန်စေခြင်းမှာ မိခင်တစ်ဦး၏ သဘာဝဖြစ်သည်။ ကိုယ်အလေးချိန်ကျခြင်း၊ မိမိကိုယ်ကို ယုံကြည်မှုရှိခြင်းကြောင့်ဖြစ်စေ၊ မိမိကျန်းမာရေးအခြေအနေများကြောင့်ဖြစ်စေ မီးဖွားပြီးနောက် တဖြည်းဖြည်း ကိုယ်အလေးချိန်ကျဆင်းမှု ဒဏ်ခံနိုင်ရန် ပိုမိုအာရုံစိုက်သင့်သည်။ အောက်တွင် ပြန်လည်ကောင်းမွန်လာသည့်အခါ မှတ်သားထားရမည့် အချက်တစ်ချို့ကို ဖော်ပြပေးထားပါသည်။

သင်ကိုယ်တိုင် လက်တွေ့ကျကျနေထိုင်ပါ။

ဆိုရှယ်မီဒီယာများတွင် နမူနာ ဖြင့် ပြထားသော ပုံများနှင့် နှိုင်းယှဉ်ခြင်းဖြင့် မိခင်တစ်ဦးသည် ၎င်း၏ ကိုယ်ပိုင်ခန္ဓာကိုယ် ပုံစံကို လက်ခံရန်ခက်ခဲပါလိမ့်မည်။ ကိုယ်ဝန်ရှိနေစဉ်အတွင်း ဇီဝဗေဒဆိုင်ရာပြောင်းလဲမှုများ သည် မွေးပြီးခြောက်ပတ်အထိ ကြာရှည်နိုင်သောကြောင့် စိတ်ရှည်ရှည်ထားပြီး ကျိုးကြောင်းဆီလျော်အောင် စောင့်ဆိုင်းသင့်သည်။ ကျန်းမာရေးအတွက် ပထမဦးစွာရည်မှန်းပြီး အပိုဆုအဖြစ် ကိုယ်အလေးချိန်လျှော့ချရန် စဉ်းစားပါ။ ရုတ်တရက် ကိုယ်အလေးချိန် ကျဆင်းသွားခြင်းသည် အာဟာရမှစတင်ပြီး ( ဥပမာ Docosahexaenoic (DHA)၊ ဗီတာမင် B,D ကိုလင်း၊ ကယ်လ်စီယမ်) ချို့တဲ့မှုများနှင့် ၎င်းချို့တဲ့မှုများကြောင့် မိခင်နို့၏အရည်အသွေးကို ထိခိုက်စေနိုင်ပါသည်။

အချိန်နှင့် အစီအစဉ်ချမှုသည် အရေးကြီးသည်။

ရည်ရွယ်ချက်မှာ ခန္ဓာကိုယ်အား လုံလောက်စွာပြန်လည်ဖြည့်တင်းရန်နှင့် ၎င်းကိုယ်တိုင် ပြန်လည်ပြုပြင်ဖို့ အခွင့်အလမ်းများရရှိရန်ဖြစ်သည်။ သင်စားသုံးသောအစားအစာများ၊ ဈေးဝယ်ထွက်ခြင်းနှင့် လေ့ကျင့်ခန်းအစီအစဉ်များ ပြုလုပ်ရန်အတွက် တစ်ပတ်တာတွင် နေ့ရက်အလိုက် မှတ်သားထားခြင်းများ ပြုလုပ်ပါ။ လေ့ကျင့်ခန်းလုပ်ဆောင်ခြင်းအတွက် အားထည့်လျှောက်သော လမ်းလျှောက်ခြင်းနှင့် ဗိုက်ကြွက်သားလေ့ကျင့်ခန်းကဲ့သို့သော အကျိုးသက်ရောက်မှုနည်းသော လေ့ကျင့်ခန်းများဖြင့် ဖြည်းဖြည်းချင်း စတင်ပြုလုပ်ပါ။ ဖြစ်နိုင်ချေရှိသောဘေးထွက်ဆိုးကျိုးများကို ကာကွယ်ရန်အတွက် အစီအစဉ်တစ်ခု စတင်မလုပ်ဆောင်မီ ဆေးဘက်ဆိုင်ရာ လမ်းညွှန်ချက်ကို အမြဲတမ်းရယူသင့်သည်။

တစ်သမတ်တည်းပြုလုပ်ခြင်းသည် ဂိမ်း၏ကစားနည်းဖြစ်သည်။

တစ်သမတ်တည်းပြုလုပ်ခြင်းသည် သင်ကိုယ်ဝန်မဆောင်မီက ခန္ဓာကိုယ်ကို ပြန်လည်ရောက်ရှိစေနိုင်မည့် ပိုမို ထိရောက်သည့်အရာဖြစ်သည်။ မွေးဖွားပြီးနောက် သတ်မှတ်ထားသော အကြံပြုချက်မှာ အောက်တွင်ဖော်ပြထားသောစာရင်းအတိုင်းတစ်ပတ်လျှင် လေ့ကျင့်ခန်း (၃) ကြိမ်၊ (၁) ကြိမ်လျှင် မိနစ် (၃၀) ခန့်ပြုလုပ်သင့်သည်။ ခန္ဓာကိုယ်က လုပ်နိုင်သည်ထက်ကျော်လွန်၍ လေ့ကျင့်ခန်းပိုမလုပ် ပါနှင့်။ သွေးပူလာစေရန် အပေါ့စားလေ့ကျင့်ခန်းကို ၅ မိနစ်မှ ၁၀မိနစ်ခန့်ပြုလုပ်ပါ။ လေ့ကျင့်ခန်းပြုလုပ်ပြီးနောက် ရေဓာတ်ကြွယ်ဝပြီး အာဟာရပြည့်ဝသည့်သစ်သီးများစားသုံးခြင်းဖြင့် ကြွက်သားနာကျင်မှုနှင့် ပင်ပန်းနွယ်နယ်မှု ဖြစ်ခြင်းကို ကာကွယ်နိုင်ပါသည်။

မွေးဖွားပြီးနောက် ပထမ (၆) ပတ်တွင်လေ့ကျင့်ခန်းပြုလုပ်ခြင်း – ပေါ့ပေါ့ပါးပါး လမ်းလျှောက်ခြင်း၊ ဝမ်းဗိုက်ကြွက်သားလေ့ကျင့်ခန်းပြုလုပ်ခြင်း သို့မဟုတ် Kegel လေ့ကျင့်ခန်းပြုလုပ်ခြင်း။

နောက် (၆) ပတ် – အားထည့်လမ်းလျှောက်ခြင်း၊ ရေထဲတွင် Aerobic ပြုလုပ်ခြင်း၊ Pilates သို့မဟုတ် ယောဂလေ့ကျင့်ခန်းပြုလုပ်ခြင်း သို့မဟုတ် Abdominal Curl-Ups( လက်နှစ်ဖက်ကို ရှေ့တွင် ကန့်လန့်ဖြတ်ထား၍ ထိုင်ထပြုလုပ်ခြင်း)

ကျန်ရှိနေသည့်လက်ကျန်လများ – အသင့်အတင့်မှ မြင့်မားသော သက်ရောက်မှုရှိသော အေရိုးဗစ်ပြုလုပ်ခြင်း၊ ဖြေးဖြေးမှန်မှန်ပြေးခြင်းနှင့် ပုံမှန်အတိုင်းပြေးခြင်း။

မီးဖွားပြီးနောက်ပြန်လည်ကောင်းမွန်လာစေခြင်းသည် ထိုကာလအတွင်း မိမိကိုယ်ကို ဂရုစိုက်ခြင်းကဲ့သို့ အရေးကြီးသည်။ ကန့်သတ်ထားသောအစားအစာများသည် သင်ကတိပြုထားသည့်ရလဒ်ထက်ပို၍ အန္တရာယ်ရှိသောကြောင့် သင်၏လိုအပ်ချက်များနှင့်ကိုက်ညီစေရန် လိုအပ်သောပြုပြင်ပြောင်းလဲမှုများကို ပြုလုပ်ပါ။ သန်မာလာစေရန်အတွက် သင့်လျော်သောအာဟာရအကြောင်း မမေ့ပါနှင့်။ ဒါပေမယ့် အကူအညီလိုအပ်ပါက Similac Mum သည် ကိုယ်အလေးချိန်အလွန်အကျွံမ တက်ဘဲ ကိုယ်ဝန်ဆောင်မိခင်နှင့် နို့တိုက်မိခင်များအတွက် အာဟာရလိုအပ်ချက်များကို ထောက်ပံ့ပေးရန်အတွက် သိပ္ပံနည်းကျဖော်စပ်ထားပါသည်။ လူတင်း၊ သဘာ၀ဗီတာမင်အီး (အာအာအာ)၊ DHA ဒီအိတ်ချ်အေ၊ ခိုလင်း၊ ဖောလစ်အက်ဆစ် နှင့် သံဓာတ်တို့ သိပ္ပံနည်းကျပေါင်းစပ်ထားသောကြောင့် ဦးနှောက်နှင့် မျက်လုံးဖွံ့ဖြိုးမှုအတွက် အထောက်အကူပြုပါသည်။

နမူနာပစ္စည်းရယူရန်

References:

https://abbottfamily.com.sg/articles/nutrition/losing-weight-after-pregnancy#
https://www.crystalkarges.com/blog/how-nutrition-can-help-you-combat-postpartum-depression
https://abbottfamily.com.sg/products/page/similac-mum
Huynh DTT et al. J Matern Fetal Neonatal Med. 2017 May 7: 1-9 – https://www.tandfonline.com/doi/full/10.1080/14767058.2017.1320984

June 2, 2021

အရွယ်စုံ အမျိုးသမီးတိုင်းအတွက် ဖောလစ်အက်ဆစ်၏ အကျိုးကျေးဇူးများ

ပထမဆုံးအကြိမ်ကိုယ်ဝန်ဆောင်သည့် မိခင်များအတွက် အာဟာရပြည့်သည့် အစားအသောက်များစားပြီး ဖောလစ်အက်ဆစ် သောက်ပေးရန် အရေးကြီးသည်။ ဖောလစ်အက်ဆစ်သည် အမျိုးသမီးများ၏ မည်သည့်အသက်အရွယ်မှာမဆို အရေးကြီးပြီး အထူးသဖြင့် ကိုယ်ဝန်ဆောင်နေစဉ် အချိန်တွင် ပိုပြီး အရေးကြီးသည်။ သန္ဓေသား၏ အာရုံကြောပြွန် မချို့ယွင်းစေရန် ကာကွယ်ပေးသည့် နေရာတွင် ဖောလစ်အက်ဆစ် အရေးပါပြီး ကိုယ်ဝန်မဆောင်မီနှင့် ကိုယ်ဝန်ဆောင်နေချိန်တွင်းမှာ သောက်သုံးသင့်သည်။ မိခင်ဖြစ်လာတော့မည့်သူများကို ကျွေးသည့် အစားအသောက်ထဲတွင် ဖောလစ်အက်ဆစ် ပါဝင်အောင်ဂရုစိုက်ခြင်းက မိခင်ခန္ဓာကိုယ်ထဲမှ အကျိုးရှိတဲ့ ဆဲလ်များကို ပေါ်ပေါက်စေသည့်အပြင် ထိန်းသိမ်းထားပြီးသားဖြစ်စေသည်။ ဖောလစ်အက်ဆစ်အကြောင်း အမေးများသည့် မေးခွန်းများကို ဖြေရှင်းရင်းနဲ့ ပြောပြပေးသွားမည်။

ဖောလစ်အက်ဆစ် နှင့် ဖောလိပ်

၂ မျိုးလုံးသည် ဗီတာမင် B9 ဒြပ်ပေါင်းများဖြစ်သည်။ ဖောလစ်အက်ဆစ်မှာ လူများပြုလုပ်ထားခြင်းဖြစ်ပြီး ဖောလိပ်အက်ဆစ်သည် ကျွန်တော်တို့စားသုံးသော အစားအစားများမှာ ပါဝင်ခြင်းဖြစ်သည်။ ဖောလစ်အက်ဆစ်သည် ဖောလိပ်၏ လူလုပ်ဒြပ်ပေါင်းဖြစ်ပြီး လူခန္ဓာကိုယ်ထဲရောက်လျှင် ခန္ဓာကိုယ်အတွက် အသုံးပြုလိုရသည့် ဒြပ်ပေါင်းအဖြစ်ကို ပြောင်းလဲသွားသည်။ ဖောလစ်အက်အစ်ကို အားဆေးများနှင့် အစားအစာတွေထဲတွင် ပိုမိုအင်အားပြည့်စေရန် ထည့်သွင်းသည်။ ဆန်၊ ပါစတာ၊ ပေါင်မုန့် နှင့် စီရီရယ်တို့တွင် အများဆုံး ထည့်သွင်းလေ့ရှိသည်။ ဖောလိပ်ကို သဘာဝ အတိုင်း အစိမ်းရောင်အရွက်များ၊ အသီးအရွက်များ၊ အသီးအနှံများနှင့် လတ်ဆတ်သည့်ပဲတို့တွင် တွေ့နိုင်သည်။

အမျိုးသမီးများအတွက် ဘယ်လိုအကျိုးရှိစေလဲ

ကိုယ်ဝန်ဆောင်ချိန်မှာသာမက သာမန်အချိန်များမှာလည်း နေ့စဉ်စားသောက်သည့် အချိန်တွင် လုံလောက်သည့် ဖောလိပ်ပါဝင်ရန် အရေးကြီးသည်။ တစ်သျှုးများဖွံ့ဖြိုးရန်နှင့် ဆဲလ်များကောင်းစွာ အလုပ်လုပ်ရန် ဖောလိပ်က အရေးကြီးသည့် ကဏ္ဍမှ လုပ်ဆောင်ပေးပြီး ဗီတာမင် B12၊ B6၊ ဗီတာမင် C တို့နှင့် အတူပူးပေါင်းပြီး ပရိုတင်းများဖြိုခွဲခြင်း ပရိုတင်းအသစ်ဖန်တီးခြင်းတို့လည်း ပြုလုပ်သည်။ ဆယ်လူလာ ပြန်လည်ဖွံ့ဖြိုးခြင်းလုပ်ငန်းစဉ်သည် ခန္ဓာကိုယ်ထဲတွင် အမြဲဖြစ်နေသည့် လုပ်ငန်းစဉ်ဖြစ်ပြီး သင့်ခန္ဓာကိုယ်က ပြုလုပ်သမျှသည် ပရိုတင်းနှင့် ဒီအန်အေထုတ်လုပ်ခြင်းတို့ကို လိုအပ်သည်။ ကျန်းမာသည့် အစားအစာဟု သတ်မှတ်ဖို့အတွက်ဆိုလျှင် ကညွတ်၊ အစိမ်းရောင်အရွက်များ၊ ထောပတ်သီး၊ အားဖြည့်ပါစတာ (သို့) စီရီရယ် နှင့် ဥအမျိုးမျိုးတို့ကဲသို့ ဖောလိပ်ကြွယ်သည့် အစားအစာများ ပါဝင်ရမည်။ ကိုယ်ခံအားနှင့် ဝမ်းဗိုက်ကျန်းမာရေးအတွက် ဖောလိပ်ဟာ အရေးပါပြီး သွေးအားနည်းရောဂါအမျိုးအစားအချို့ကိုလည်း ကာကွယ်နိုင်သည်။ အချို့ဖြစ်စဉ်များတွင် ဖောလိပ်သည် သွေးဆုံးခြင်း၏ ဘေးထွက်ဆိုးကျိုးများကိုပါ ကာကွယ်ပေးနိုင်သည်။ Western Medicine study Journal of Caring Sciences တွင် ဖော်ပြချက်အရ ဖောလစ်အက်ဆစ် ၁ မီလီဂရမ် နေ့စဉ်သောက်သုံးသည့် သွေးဆုံးခါနီးအမျိုးသမီးများတွင် ခန္ဓာကိုယ်အပူရှိန်တက်ခြင်း ပြင်းထန်မှု၊ကြာချိန် နဲ့ ကြိမ်နှုန်းတွေကို လျှော့ချပေးနိုင်တာကို တွေ့ရှိရသည်။

အမျိုးသမီးများအတွက် ဘယ်လောက်ပမာဏလိုအပ်လဲ

အမေရိကန်နိုင်ငံမှ အကြံပြုထားသော အစားအသောက်တွင် နေ့စဉ် ထည့်သွင်းစားသောက်နိုင်သည့် ဖောလစ်အက်ဆစ် ပမာဏသည် အရွယ်ရောက်ပြီး အမျိုးသမီးတစ်ယောက်အတွက် ၄၀၀ မိုက်ခရိုဂရမ်ဟု ဖော်ပြထားသည်။ ကိုယ်ဝန်ဆောင်ချိန်တွင် ၆၀၀ မိုက်ခရိုဂရမ်အထိ တိုးမြှင့်နိုင်ပြီး နို့တိုက်ချိန်များတွင် ၅၀၀ မိုက်ခရိုဂရမ်သို့ ပြန်လျှော့ချနိုင်သည်။ အာရုံကြောပြွန် ချို့ယွင်းဖူးသည့် အမျိုးသမီးများသည် ဖောလစ်အက်ဆစ်ကို ပို၍သောက်သုံးသင့်သည်။ အမျိုးသားကျန်းမာရေးအဖွဲ့မှ အကြံပေးချက်အရ ထိုသို့ချို့ယွင်းချက်ရှိသည့် အမျိုးသမီးများဟာ ကိုယ်ဝန်မဆောင်ခင် ၁ လအလိုနှင့် ကိုယ်ဝန်သက်တမ်း ၃ လအထိ တစ်နေ့လျှင် ၄,၀၀၀ မှ ၅,၀၀၀ မိုက်ခရိုဂရမ်ရှိသည့် ဖောလိပ်အားဆေးများကို သောက်သုံးခြင်းဖြင့် ကိုယ်ဝန်ပျက်ကျနှုန်းကို လျှော့ချပေးနိုင်သည်။

အစားအသောက်ထဲတွင်ပါဝင်စေခြင်း

လိုအပ်သည့် ပမာဏကို ရရှိစေသည့် အကောင်းဆုံးနည်းလမ်းကတော့ အာဟာရမျှတသည့် အစားသောက်များ စားသုံးပေးခြင်းပဲဖြစ်သည်။ အမျိုးသမီးအများစုအတွက် လုံလောက်သည့် ပမဏရရှိဖို့အတွက် အားဆေးများ သောက်ရခြင်းဟာလည်း ပုံမှန်ပင်ဖြစ်သည်။ အားဆေးမသောက်မီ ကျန်းမာရေး အကြံပေးများနှင့်တိုင်ပင်ဆွေးနွေးပြီး မှန်ကန်သည့် အားဆေးကိုရွေးချယ်ရန်လိုအပ်သည်။ ယနေ့ခေတ်မှာတော့ အရသာရှိသည့် အစားအသောက်များမှတစ်ဆင့် လွယ်လွယ်ကူကူ ဖောလိပ်ကို ရရှိနေနိုင်ပြီပဲဖြစ်သည်။ ထိုအရာများမှာ အသီးအနှံများနဲ့ ဟင်းသီးဟင်းရွက်တို့ပင် ဖြစ်ပါသည်။

June 2, 2021

မီးဖွားပြီးချိန် ပြန်လည်ကောင်းမွန်စေရန် အရေးကြီးသော အာဟာရဓာတ်များ

မြန်မာနိုင်ငံ၏ ဓလေ့သည် မိသားစုကို ဦးစားပေးဖြစ်ပြီး မိခင်တစ်ဦး မီးဖွားပြီး ပြန်လည်ကောင်းမွန်ရေးသည် မိသားစုတစ်ခုလုံး၏ ဦးစားပေးအရာဖြစ်သည်။ မီးဖွားလူနာတစ်ဦးအား ကောင်းနိုးရာရာများကို အကြံပေးကြပြီး အားလုံး လက်ခံထားသော အရေးကြီးအချက်မှာ မီးနေသည် သားဖွားပြီးချိန်တွင် ကျန်းမာစွာ အာဟာရပြည့်ဝရေးပင်ဖြစ်သည်။ မီးဖွားပြီးချိန် အစားအသောက်များနှင့် ပတ်သတ်၍ ယုံတမ်းစကားနှင့် အဆိုများစွာ ရှိသော်လည်း ပြန်လည်ကောင်းမွန်ရေးအတွက် အသင့်တော်ဆုံး မျှတသော အာဟာရဓာတ် ၅ မျိုးရှိသည်ကို သိထားသင့်သည်။ မည်သည့် အစားအသောက်ပုံစံမျိုးကို မစားမီ အဆိုပါ အပိုင်းတွင် ကျွမ်းကျင်သော ကျန်းမာရေးပညာရှင်နှင့် တိုင်ပင်ပြီး မိမိနှင့် အသင့်တော်ဆုံးကို ရွေးချယ်ရန် အရေးကြီးသည်။

သံဓာတ်

မီးဖွားချိန်တွင် သွေးဆုံးရှုံးမှုသည် အဖြစ်များပြီး ပုံမှန်ထက် သွေးထွက်ပိုများသော မိခင်များသည် မူးမော်ခြင်း၊ အသက်ရှူရခက်ခဲခြင်းနှင့် အစာစားချင်စိတ် နည်းခြင်းတို့ ဖြစ်တတ်သည်။ ထိုသို့ဖြစ်ရခြင်းမှာ သွေးထွက်ရာမှ ခန္ဓာကိုယ်တွင်း သံဓာတ်ကို ဆုံးရှုံးပြီး မိခင်အတွက် လုံးလောက်သော သံဓာတ်မရှိတော့ခြင်းပင် ဖြစ်သည်။ သားဖွားပြီးချိန်တွင် သွေးမတိတ်ခြင်းကို Lochia ဟုခေါ်သည်။ ထိုအခြေအနေမျိုးတွင် သံဓာတ်သည် ဆုံးရှုံးသွားသော သွေးဆဲလ်များအစား ခန္ဓာကိုယ်အတွက် သွေးဆဲလ်အသစ်များကို ဖန်တီးရန် အရေးပါသည်။ မီးဖွားပြီး ပြန်လည်အားယူနေသည့် မိခင်အတွက် သံဓာတ်ကြွယ်ဝသော အစားအသောက်များဖြစ်သည့် အဆီနည်းအသား၊ အသည်း၊ ခရု၊ ကမာ၊ စီရီရယ်နှင့် အစိမ်းရောင် အသီးအရွက်တို့အား အားပေးသည်။ မြန်မာအမျိုးသမီးများသည် ဘာသာရေးအရ အစားအသောက်ကို လိုက်နာသူများလည်း ရှိကြသဖြင့် သတ်သတ်လွတ်စားသုံးပါက ဆရာဝန်၏ ညွှန်ကြားမှုအရ အသီးအရွက်မဟုတ်သော အစားအသောက်တို့မှ သံဓာတ်ဖြည့်စွက်စာများကို စားသုံးရနိုင်သည်။ သံဓာတ်စုပ်ယူမှု အားကောင်းစေရန်၊ မီးဖွားပြီးသော မိခင်များသည် ဗီတာမင် C ကြွယ်ဝသော အစားအသောက်များ သို့မဟုတ် ဖြည့်စွက်စာများကို စားသုံးရမည်။ အာရှရိုးရာတွင် လက်ဖက်ရည်ကို ၉၆ပါး ပျောက်သည်ဟု သတ်မှတ်ထားကြသော်လည်း ရေနွေးကြမ်းတွင် Tannic Acid ပါဝင်သောကြောင့် လွန်ကဲစွာ သောက်သုံးခြင်းသည် သံဓာတ်စုပ်ယူမှုကို လျော့နည်းစေသည်။

ဗီတာမင် B12

ဗီတာမင် B12 သည် ကျန်းမာသော အာရုံကြော တစ်သျှူးများ ဖွံ့ဖြိုးမှု၊ ဦးနှောက်လုပ်ဆောင်မှုကို လှုံ့ဆောင်ရန်နှင့် သင့်လျော်သော သွေးဆဲလ်ထုတ်လုပ်မှုအတွက် အရေးပါသည်။ အဘယ်ကြောင့်ဆိုသော် ဗီတာမင် B12 ချို့တဲ့သော မိခင်သည် သွေးအားနည်းရောဂါဖြစ်နိုင်သောကြောင့် ကမာ၊ တူနာ၊ အသည်း၊ အမဲသား၊ ဆဲလ်မွန်နှင့် အသားအမျိုးမျိုးကို စားရန် အားပေးသည်။ မိခင်သည် အသားနှင့် ပင်လယ်စာ မစားပါက ဗီတာမင် B12 ပါဝင်သော အာဟာရဖြည့် စီရီရယ်နှင့် နို့ထွက်ပစ္စည်းများကို စားသုံးရမည်။ ဗီတာမင် ဖြည့်စွက်စာသည် သတ်သတ်လွတ်သမား မိခင်အတွက် အစားအသောက်တွင် ထည့်သွင်းခြင်း သို့မဟုတ် အသားနှင့် အရွက်အများစုကို မစားသောသူတို့၏ အစားအသောက်တွင် ထည့်သွင်းစားသောက်နိုင်သည်။

DHA

Docosahexaenoic acid(DHA) သည် အိုမီဂါ 3 ဖက်တီးအက်ဆစ်ဖြစ်ပြီး လူ့ခန္ဓာကိုယ်မှ လုံလုံလောက်လောက် မထုတ်လုပ်နိုင်သောကြောင့် အာဟာရဖြည့်စွက်စာတို့မှ စားသုံးပေးရန် လိုအပ်သည်။ DHA သည် ဦးနှောက် တစ်သျှူးအတွက် အဓိက အပိုင်းတစ်ခုဖြစ်သည်။ အဆိပ်ဖြစ်ခြင်းကို လျှော့ချပေးပြီး မီးဖွားပြီးနောက် စိတ်ကျရောဂါကိုပါ လျှော့ချပေးသည်။ DHA သီးသန့်သည် အဆိုပါ စိတ်ကျမှုကို အပြည့်အဝ မထောက်ပံ့နိုင်သော်လည်း Serotonin ထုတ်လုပ်မှုကို လှုံ့ဆော်ပေးသောကြောင့် လျှော့ချပေးမှုအပိုင်းတွင် များစွာ အထောက်အကူဖြစ်သည်။ ဆဲလ်မွန်၊ ဆာဒင်း၊ အာဟာရဖြည့် ဥအမျိုးမျိုးနှင့် နို့ထွက်ပစ္စည်းအချို့သည် DHA ကြွယ်ဝသော အစာများဖြစ်သည်။ မိခင်တစ်ဦးသည် DHA ဖြည့်စွက်စာ စားသုံးဖို့ ကျန်းမာရေးပညာရှင်၏ ညွှန်ကြားမှုလိုအပ်သည်။

ကိုလိုင်း (CHOLINE)

ကိုလိုင်းသည် ဗီတာမင် B တစ်မျိုးဖြစ်ပြီး မီးဖွားပြီး ပြန်လည်ကျန်းမာရေးအတွက် သိပ်ပြီး မပြောကြသော အစားအသောက်တစ်မျိုးဖြစ်သော်လည်း လွန်စွာ အရေးပါသည်။ ခန္ဓာကိုယ်လုပ်ဆောင်မှုမျိုးစုံကို ထောက်ပံ့ပေးပြီး မိခင်၏ အလုံးစုံသော ကျန်းမာရေးကို ထောက်ပံ့ပေးသည်။မိခင်၏ ခန္ဓာကိုယ်သည် ဗီတာမင်ကို ပြုလုပ်ပြီး အခြားအစားအသောက်များဖြစ်သည့် ဥ၊ quinoa နှင့် ကလီစာများဖြစ်သည့် အသည်းကဲ့သို့သော မီးဖွားပြီး အစားအသောက်များနှင့် မျှတစွာ ပေါင်းစပ်ရန်လိုအပ်သည်။ ကိုလိုင်းသည် အာရုံစူးစိုက်မှုနည်းခြင်းနှင့် မီးဖွားပြီးချိန် မှတ်ဉာဏ်ဆုံးရှုံးခြင်းတို့ကို သက်သာစေသည်။

ဗီတာမင် D

ဗီတာမင် D သည် မိခင်၏ ကိုယ်ခံအားစနစ်ကို ထောက်ပံ့ပေးပြီး မီးဖွားပြီး စိတ်ဓာတ်ကျခြင်းနှင့် စိတ်လှုပ်ရှားမှုတို့ကို လျှော့ချပေးသည်။ နေရောင်ထဲတွင် နေထိုင်ရုံနှင့် ခန္ဓာကိုယ်မှ ဗီတာမင် D ထုတ်လုပ်ပြီး တစ်ခါတစ်ရံလည်း အခွင့်အရေးမရှိ ဖြစ်နိုင်သည်။ ခန္ဓာကိုယ်သည် အိမ်တွင်းတွင် နေထိုင်သော မိခင်အတွက် ဗီတာမင် D လုံလောက်စွာ ထုတ်လုပ်မှုမရှိသည့်အတွက် ဗီတာမင် D အပို လိုအပ်သည်။ ဖက်တီး အက်ဆစ်ကြွယ်သော ငါးများဖြစ်သည့် ဆယ်လ်မွန် နှင့်တူနာ၊ အာဟာရဖြည့် စီရီရယ်နှင့် လိမ္မော်ရည်တို့သည် ဗီတာမင် D ကြွယ်ဝသော အစားအသောက်များဖြစ်သည်။ ကျန်းမာသော အစားအသောက်ပုံစံနှင့် အာဟာရဓာတ် ကောင်းမွန်စွာ ရရှိဖို့သည် ကိုယ်ဝန်ဆောင်စဉ်သာမက ခန္ဓာကိုယ်အား ပြန်လည်ကုသပေးသည့်အတွက် မီးဖွားစဉ်တွင်ပါ အရေးကြီးသည်။

Reference(s):

https://abbottfamily.com.sg/articles/nutrition/important-nutrients#

November 16, 2020

ကလေးများ၏ မှတ်ဉာဏ်စွမ်းရည်ကို မြှင့်တင်ပေးခြင်း

သင်ကြားမှုနည်းလမ်းများစွာရှိသောကြောင့် ကလေးတိုင်းသည် တူညီသောနည်းလမ်းများဖြင့် သင်ယူလေ့မရှိပါ။ ၎င်းသည် ပင်ကိုယ်သဘာဝနှင့် ပတ်ဝန်းကျင်၏ ပြုစုပျိုးထောင်ခြင်းပေါ်တွင် မူတည်ပါသည်။ ပြုစုပျိုးထောင်ခြင်း အပိုင်းတွင် ဦးနှောက်အတွက် အာဟာရသည် မှတ်ဉာဏ်ထိန်းသိမ်းမှုကို တိုးတက်ကောင်းမွန်စေသည့် အရေးကြီးသော အခန်းကဏ္ဍမှ ပါဝင်ပါသည်။ ကလေးတစ်ယောက်၏ သင်ယူမှုပုံစံနှင့် သင်ကိုယ်တိုင်မိဘတစ်ယောက်အနေဖြင့် ပြုစုပျိုးထောင်ခြင်းနှင့် မှတ်ဉာဏ်စွမ်းရည်တိုးတက်စေသည့်အာဟာရ (ဥပမာ – Similac Gain IQ) နှစ်ခုလုံးအတွက် မည်သို့ ထောက်ပံ့မည်ကို ယနေ့ကျွန်ုပ်တို့လေ့လာပါမည်။

အမြင်ဖြင့်သင်ကြားခြင်း : ပုံသဏ္ဍာန်များ၊ အရောင်များနှင့် ပေါင်းစပ်မှုများဖြင့် သင်ကြားခြင်း။

လူကြိုက်များသော ကလေးကာတွန်းများစွာသည် ထူးကဲသောပုံသဏ္ဍာန်များနှင့် ဟာသပုံသဏ္ဍာန်များ ဖြင့်အဘယ်ကြောင့်အမြဲရိုင်းပြနေသည်ဟု သင်ထင်ပါသလဲ၊ အဘယ်ကြောင့်ဆိုသော်၎င်းတို့တွင် ကြာရှည်ခံသော ခံစားမှုများ ရှိနေသောကြောင့်ဖြစ်သည်။ နှုတ်ဖြင့်သတိပေးချက်များထက် ရုပ်ပုံများမှ အသေးစိတ်အချက်အလက် များဖြင့် ပြခြင်းသည် ကလေးများအတွက် ၎င်းအရာများကို မှတ်မိစေသည်။ သင့်ကလေးကို ကျားပုံတစ်ပုံပြသပြီး နှုတ်ဖြင့် ဖော်ပြခဲ့ပါက ကလေးသည် ၎င်းအရာကို ပိုမိုမှတ်မိပါလိမ့်မည်။

ရိုးရှင်းပြီး စိတ်ရှည်စွာဖြင့်ရှင်းပြပါ။

ကလေးများသည် ၎င်းတို့အတွက် နားလည်ရခက်သည်ဟုယူဆပါက ၎င်းတို့သည် မပါဝင်တော့ရန် ရွေးချယ်နိုင်သည်။ အားပေးမှုများမရှိလျှင် တက်ကြွမည်မဟုတ်ပါ။ ရိုးရှင်းမှုများသည် ကလေးများအတွက် ငယ်ရွယ်စဉ်အချိန်များတွင်အကောင်းဆုံးဖြစ်သည်။ သင်ကြားနေစဉ်တွင် ၎င်းတို့၏ စိတ်လှုပ်ရှားမှုများကို မျှဝေပါ၊ ထိုအရာအားလုံးသည် အပြန်အလှန်တုံံ့ပြန်မှု ဖြစ်သည်။ ၎င်းတို့ပျော်သည့်အခါတွင် သူတို့၏အတွေ့အကြုံများကို သူငယ်ချင်းနှင့် ဝေမျှနိုင်သလို ကလေးတစ်ယောက် သည်ပေါင်းသင်းဆက်ဆံမှုပိုကောင်းပြီး ယုံကြည်မှုရှိလေလေ သင်ယူရန်အတွက် စိတ်အားပိုမိုထက်သန်လေဖြစ်သည်။

နောက်တစ်ဆင့်ကိုချရေးပါ။

မည်သည့်အရာကို မဆိုလုပ်ဆောင်ပြီးလျှင် တိုးတက် မှုများကိုသိနိုင်ရန်အတွက် ၎င်းအရာများကို မှတ်တမ်းတင်ထားပါ။ ၎င်းသည် မိဘအတွက်သာမက ကလေးအတွက်ပါဖြစ်ပါသည်။ ကလေးအချို့သည် ၎င်းတို့၏စာတတ်မြောက်မှုကို တစ်ချိန်တည်းတွင် ကျင့်သုံးပါက အချက်အလက်များနှင့် ကိန်းဂဏန်းများကို မှတ်မိနိုင်ဖွယ်ရှိသည်။ အရွယ်ရောက်ပြီးသူများအတွက်ပင် အကြောင်းအရာများကို ချရေးခြင်းသည် အတွေးအမြင်များကို အစီစဉ်တကျဖြစ်အောင်ကူညီပေးပြီး ကောင်းမွန်စွာ ပြန်လည်မှတ်မိနိုင်ပါသည်။

အာဟာရအကြောင်း မမေ့ပါနှင့်။

ဦးနှောက်အာဟာရအတွက် Omega-3 Fatty Acid နှင့် DHA (Docosahexaenoic acid) တို့သည် အဓိကဖြစ်သည်။ နှစ်ခုစလုံးသည် စိတ်ပိုင်းဆိုင်ရာစိန်ခေါ်မှုများအတွင်း သွေးစီးဆင်းမှုကို တိုးမြှင့်ပေးခြင်းဖြင့် ကလေး၏ သိမြင်နိုင်စွမ်းဆိုင်ရာ လုပ်ငန်းဆောင်တာများကို အကျိုးပြုပါသည်။ ၄င်းတို့ကို ငါး၊ အခွံမာသီးနှင့် သဘာဝအဆီအများစုတွင် တွေ့ရပြီးသင့်ကလေး၏အစားအသောက်များတွင် ပါဝင်ပါစေ။ သဘာဝဗီတာမင် Eနှင့် Lutein ( ရောင်ရမ်းမှုကို လျှော့ချပေးသည့်အာဟာရဓာတ်) သည် အတူတကွအလုပ်လုပ်ပြီး DHA ကို လျင်မြန်စွာကွဲထွက်ခြင်းမှ ကာကွယ်ပေးသည်။ နှစ်မျိုးလုံးကို အစိမ်းရင့်ရောင် ဟင်းသီးဟင်းရွက်များ၊ ဥများနှင့် အချို့သော အသီးအနှံများတွင် တွေ့ရပြီး သင့်ကလေး၏ အစားအစာများကို အရောင်အသွေး စုံလင်အောင် ထိန်းထားခြင်းဖြင့် ၎င်း၏ အကျိုးကျေးဇူးများ ရရှိမည်ဖြစ်သည်။

သင်ယူမှုပုံစံများကို ပြုစုပျိုးထောင်ပြီး အသစ်သစ်သောအရာများကို တွေ့ကြုံခံစားလာရသောအခါတွင် အပြောင်းအလဲများကို ကြိုတင်မျှော်လင့်ထားပါ။ အကောင်းဆုံး အရည်အသွေးရှိသော အာဟာရများကို ရရှိခြင်းသည် ဦးစားပေးဖြစ်သော်လည်း သင့်ကလေးအားစားသုံးစေရန် မှာ ခက်ခဲမှု နောက်ထပ်အဆင့်တစ်ခုဖြစ်သည်။ Similac Gain IQ သည်အသက်နှစ်နှစ်နှင့် အထက်ကလေးများအတွက်ကြီးထွားဖွံ့ဖြိုးစေသည်။ Similac Gain IQ တွင်ပါဝင်သည့် အာဟာရဖြစ်သည့် 2’-FL HMO & Nucleotides သည် ကိုယ်ခံစွမ်းအားကို ထောက်ပံ့ပေးပြီး မှတ်ဉာဏ်စွမ်းရည်ကိုမြှင့်တင်ပေးသည့်အဓိက အာဟာရ ဆယ်မျိုးပါဝင်သည်။ အထူးပေါင်းစပ်ပါဝင်သော လူတင်း၊ သဘာဝ အာအာအာ ဗီတာမင် အီး၊ ပရိုတင်း, ကယ်လဆီယမ်, ဗီတာမင် ကေ နှင့် ဒီ များသည် အရိုးနှင့်သွားများကိုသန်မာစေပြီး သင်ကြားမှုစွမ်းရည်ကိုလည်းထောက်ပံ့ပေးသည်။ စားအုန်းဆီမပါဝင်သည့် ဖော်မြူလာနှင့် အထူးပေါင်းစပ်ထားသည့် အသီးအရွက်ဆီများသည် ပိုမိုကောင်းမွန်သော အာဟာရကိုပေးပို့မှုနှင့် စုပ်ယူမှုအားကောင်းစေရန်အတွက်အသုံးပြုပြီး ကလေးများ၏ဝမ်းဗိုက်ပြဿနာ ကိုဖြေရှင်းပေးပါသည်။

နမူနာပစ္စည်းရယူရန်

Reference:

https://abbottfamily.com.sg/articles/pre-school/memory-skills#
https://abbottfamily.com.sg/articles/toddler/five-nutrients-for-your-brain
https://www.abbottfamily.com.kh/product-detail/18
Buck R. et al. 2004, Schaller et al 2004
Based on parental responses in a consumer perception study conducted among 300 Phillipino mothers with children 36 months and older
Lasekan et al. (2017) – https://www.ncbi.nlm.nih.gov/pmc/articles/PMC5475287/
De Souza et al. (2017) – https://wires.onlinelibrary.wiley.com/doi/abs/10.1002/wcs.1398

1 234 5